Related Posts
Category : Gujarat
આજથી લાગુ થઈ રહ્યા છે 4 નવા લેબર કોડ, તમારા પગારથી લઈને ટાઇમિંગ સુધી બધે થશે અસર
નોકરિયાત લોકો માટે 1 એપ્રિલ, 2026 એટલે હોતા ફેરફારનો દિવસ. કેન્દ્ર સરકારના નવા લેબર કોડ (New Labour Codes) આવતીકાલથી સમગ્ર દેશમાં લાગૂ થઇ જશે. આ ફેરફાર માત્ર કાગળિયા પર જ નહીં, પરંતુ તેની સીધી અસર કર્મચારીઓની ટેક હોમ સેલરી, પીએફ કન્ટ્રીબ્યુશન, કામના કલાકો અને તેમના અધિકારો પર થશે. સરકાર 44 શ્રમ કાયદાને ખતમ કરીને હવે 4 લેબર કોડ લાગુ કરી રહી છે.
નવા લેબર કોડ અંતર્ગત કામના સ્ટાન્ડર્ડ અવર્સ પહેલાની જેમ 8 કલાક અને 48 કલાક પ્રતિ સપ્તાહ રહેશે, જેમાં કામની રીતોને વધુ ફ્લેક્સિબલ બનાવાઈ છે. કંપનીઓ કર્મચારીઓને ફ્લેક્સિબલ વર્કિંગ કલ્ચર આપી શકશે. આ ઉપરાંત સાપ્તાહિક કામના કલાકોના મેનેજમેન્ટના આધારે વધુ ઓવરટાઈમ પણ મળી શકશે.
ચાર શ્રેણીઓમાં વહેંચાયેલા છે લેબર કોડ :- સરકારે જુના અને ગૂંચવણભર્યા કાયદાને ચાર મુખ્ય શ્રેણીમાં સમેટ્યાં છે. આ ચાર કોડ્સ અંતર્ગત કુલ 29 પ્રમુખ જોગવાઈઓ તૈયાર કરાઈ છે, જે વ્યવસ્થાને પારદર્શી અને આધુનિક બનાવશે.
1) વેતન કોડ (Wage Code): આ તમારી સેલરી અને બોનસ સાથે સંબંધિત નિયમો નક્કી કરશે. (2) સામાજિક સુરક્ષા કોડ (Social Security Code): પેંશન, પીએફ અને વીમા જેવા લાભો માટે. (3) ઔદ્યોગિક સંબંધ સંહિતા (Industrial Relations Code): કંપનીઓ અને કર્મચારીઓ વચ્ચે વિવાદોના સમાધાન માટે. (4) વ્યવસાયિક સુરક્ષા અને સ્વાસ્થ્ય સંહિતા (OSH Code): ઓફિસમાં સુરક્ષા અને સારી વર્કિંગ કન્ડિશન સુનિશ્ચિત કરવા માટે.
આ નવા લેબર કોડ અંતર્ગત હવે તમારી બેસિક સેલરી (Basic Salary) કુલ CTCના ઓછામાં ઓછા 50 ટકા હોવી ફરજીયાત છે. અત્યાર સુધી કંપનીઓ ટેક્સ બચાવવા માટે બેઝિક સેલરી ઓછી રાખતી હતી, જ્યારે ભથ્થાં (HRA અને સ્પેશ્યલ એલાઉન્સ) ને 70-80 ટકા સુધી વધારી દેતી હતી. જોકે, 1 એપ્રિલથી ભથ્થાંની મર્યાદા કુલ પગારના 50 ટકા સુધી મર્યાદિત કરવામાં આવશે. એટલે કે કંપનીઓએ હવે તમારી બેસિક સેલરી વધારવી પડશે.
ઈન હેન્ડ સેલરીમાં થશે ઘટાડો :- તમારું પીએફ અને ગ્રેજ્યુઈટી હંમેશા બેસિક સેલરી પર ગણવામાં આવતી હતી. જ્યારે તમારી બેસિક સેલરી વધશે, તો પીએફ તરીકે કપાતી રકમમાં પણ વધારો થશે. જો તમારી સેલરી 50 હજાર રૂપિયા છે અને ત્યારે બેસિક સેલરી 15,000 રૂપિયા હતી, તો પીએફ ઓછું કપાતું હતું. હવે નવા નિયમો હેઠળ બેસિક સેલરી કુલ CTCના 50 ટકા એટલે કે 25,000 રૂપિયા થઇ જશે. જેના કારણે પીએફ કપાત વધશે અને તમારી ઈન હેન્ડ સેલરીમાં ઘટાડો થશે. જેથી કંપનીનું પીએફ કન્ટ્રીબ્યુશન પણ વધી જશે, પરિણામે રિટાયરમેન્ટના અસમયે તમને મોટું ફંડ મળશે.
સાથે જ હવે નવા લેબર કોડ અંતર્ગત નોકરી છોડવા કે કર્મચારીને હટાવવા પર નોટિસ પિરિયડ ખતમ થયાના માત્ર 2 દિવસમાં ફૂલ એન્ડ ફાઇનલ સેટલમેન્ટ કરવાનું રહેશે.
Load more
