Related Posts
Category : Gujarat
રાહુલ ગાંધી પપ્પાને પણ લઈ આવે તોય કલમ 370…’, ભાજપના દિગ્ગજ મુખ્યમંત્રી
CM Bhajanlal Sharma On Section 370: રાજસ્થાનમાં સાત બેઠકો પર યોજાઈ રહેલી પેટા ચૂંટણીને લઈને હાલમાં જોર-શોરથી પ્રચાર અભિયાન ચાલી રહ્યો છે. ભાજપ અને કોંગ્રેસના ટોચના નેતા પોત-પોતાના ઉમેદવારો માટે વોટ માગી રહ્યા છે. આ જ ક્રમમાં ટોક જિલ્લાની દેવલી-ઉનિયારા વિધાનસભા બેઠક પરથી ભાજપ ઉમેદવાર રાજેન્દ્ર ગુર્જરના સમર્થનના મુખ્યમંત્રી ભજનલાલ શર્માએ એક જન સભાને સંબોધિત કરી હતી. આ દરમિયાન તેમની જીભ લપસી ગઈ હતી. આ દરમિયાન તેમણે કહ્યું કે, ‘કાશ્મીરથી કલમ 370 નહિ હટશે.’
આ દરમિયાન સીએમ ભજન લાલ શર્માએ જમ્મુ કાશ્મીર વિધાનસભામાં કલમ 370 હટાવવાના પ્રસ્તાવ અને ગૃહમાં ચાલી રહેલી બબાલની ઘટનાનો ઉલ્લેખ કરતા કોંગ્રેસ પર નિશાન સાધ્યું હતું. સીએમએ કહ્યું કે, કોંગ્રેસ કલમ 370 હટાવવાના વિરોધમાં ઉભી છે.
શું બોલી ગયા CM ભજનલાલ શર્મા?
મુખ્યમંત્રી ભજનલાલે કહ્યું કે, કાલે તમે જોયું હશે કે, જમ્મુ કાશ્મીરમાં કોંગ્રેસના લોકો એ લોકો સાથે ઊભા છે જેઓ કહી રહ્યા છે કે અમે કલમ 370 હટાવી દઈશું. શું તેઓ કલમ 370 હટાવી શકશે? હું તમને પૂછવા માંગુ છું. ‘રાહુલ ગાંધીજી તમારી તો વાત જ છોડો, તમે તમારા પપ્પાને પણ લઈ આવો તો પણ કાશ્મીરમાંથી કલમ 370 નહીં હટી શકશે.’ મુખ્યમંત્રીએ કલમ 370ને ખતમ કરવાના નિર્ણયને મોદી સરકાર દ્વારા લેવામાં આવેલા પ્રમુખ નિર્ણયોમાંથી એક ગણાવ્યો.
આ દરમિયાન ભજન લાલે એમ પણ કહ્યું કે, અમે રામ મંદિરની તારીખ પણ જણાવી અને મંદિર પણ બનાવી દીધું. કોંગ્રેસ દેશમાં ભ્રષ્ટાચારની જનની છે. કોંગ્રેસને નફરતની ભાષા પસંદ છે. રાજસ્થાનમાં જ્યારે કન્હૈયાલાલનું મૃત્યુ થયું ત્યારે કોંગ્રેસ મોઢા પર ટેપ લગાવીને બેસી ગઈ હતી.
Load more
