મેક્સિકોમાં ભયંકર અકસ્માત, ટ્રક સાથે ટક્કરમાં બસ ખીણમાં ખાબકી, 19નાં કમકમાટીભર્યા મોત

મેક્સિકોમાં ભયંકર અકસ્માત, ટ્રક સાથે ટક્કરમાં બસ ખીણમાં ખાબકી, 19નાં કમકમાટીભર્યા મોત

મેક્સિકોથી એક ભયંકર માર્ગ અકસ્માતના અહેવાલ સામે આવી રહ્યા છે. અહીં જકાટેકાસમાં એક બસ બેકાબૂ થઇને ટ્રકમાં ઘૂસી ગઇ હતી અને તેના પછી આ જ બસ ખીણમાં ખાબકતાં લગભગ 19 જેટલાં મુસાફરોને કાળ ભરખી ગયો હતો. આ અકસ્માતમાં 6થી વધુ લોકો ઈજાગ્રસ્ત હોવાની માહિતી છે.

સ્થાનિક અધિકારીઓના અહેવાલ અનુસાર બસમાં મુસાફરોની સંખ્યા વધારે હતી. આ બસ એક સામાનથી ભરેલા ટ્રકમાં પાછળના ભાગમાં ટકરાઈ હતી અને સીધી ખીણમાં સરી ગઈ હતી. ટક્કર એટલી ભીષણ હતી કે જોરદાર ધડાકાનો અવાજ આવ્યો હતો. સોશિયલ મીડિયા પર આ દુર્ઘટનાની તસવીરો પણ વાયરલ થઇ છે.

🇲🇽24 DEAD IN MEXICAN BUS TRAGEDY

The deadly bus crash in Zacatecas, Mexico, occurred on a major highway in the early hours, according to Governor David Monreal.

Local authorities are investigating potential causes, including driver fatigue, mechanical failure, and road… pic.twitter.com/8vtHx6F1oj

— Mario Nawfal (@MarioNawfal) October 26, 2024

પહેલા 24 લોકોના મોતના અહેવાલ હતા

બચાવ કામગીરી હજુ પણ ચલાવવામાં આવી રહી હોવાની જાણકારી મળી રહી છે. જકાટેકાસના ગવર્નર ડેવિડે કહ્યું કે પહેલા અમને શરૂઆતમાં 24 લોકોના મોતની જાણકારી મળી હતી પરંતુ રાજ્યના એટોર્ની જનરલના કાર્યાલયે છેલ્લે 19 લોકોના મોતની પુષ્ટી કરી હતી અને 6 લોકો ઈજાગ્રસ્ત હોવાની જાણકારી આપી હતી.