BCCI - ટેસ્ટ ક્રિકેટના ખિલાડી પર થશે રૂપિયાનો વરસાદ, રણજી ખિલાડીઓને પણ લાગી લોટરી

BCCI – ટેસ્ટ ક્રિકેટના ખિલાડી પર થશે રૂપિયાનો વરસાદ, રણજી ખિલાડીઓને પણ લાગી લોટરી

ભારતીય ક્રિકેટ કંટ્રોલ બોર્ડ (BCCI) એ 2023-24 સીઝન માટે ટીમ ઈન્ડિયાના ખેલાડીઓની વાર્ષિક કોન્ટ્રાક્ટ યાદી જાહેર કરી છે. આ વખતે બીસીસીઆઈએ કોન્ટ્રાક્ટ લિસ્ટમાં કુલ 30 ખેલાડીઓને જગ્યા આપી છે. ઓક્ટોબર 2023 થી સપ્ટેમ્બર 2024 સુધી ખેલાડીઓ સાથે કરાર કરવામાં આવ્યા છે. A+ ગ્રેડમાં ચાર ખેલાડીઓ, Aમાં છ, ગ્રેડ Bમાં પાંચ અને સૌથી વધુ 15 ખેલાડીઓને C ગ્રેડમાં સ્થાન મળ્યું છે.નવા કોન્ટ્રાક્ટ લિસ્ટમાં કેટલાક ખેલાડીઓને બઢતી આપવામાં આવી છે તો કેટલાક ખેલાડીઓને દરવાજો દેખાડવામાં આવ્યો છે. શ્રેયસ અય્યર અને ઈશાન કિશન પણ તેમાં જગ્યા બનાવી શક્યા નથી. બંને ખેલાડીઓને ડોમેસ્ટિક ક્રિકેટ ન રમવા બદલ સજા કરવામાં આવી છે. દક્ષિણ આફ્રિકાના પ્રવાસ દરમિયાન ઈશાને માનસિક થાકને કારણે પ્રવાસમાંથી ખસી જવાનો નિર્ણય લીધો હતો. ત્યારથી ઈશાન ઈન્ટરનેશનલ ક્રિકેટથી દૂર છે. બીજી તરફ, શ્રેયસે પીઠની ઈજાને કારણે રણજી ટ્રોફીથી દૂરી લીધી હતી. જો કે બીસીસીઆઈ તરફથી આંચકો મળ્યા બાદ શ્રેયસ સેમીફાઈનલ મેચ રમવા જઈ રહ્યો છે.

બીસીસીઆઈ હવે ડોમેસ્ટિક અને રેડ બોલ ક્રિકેટને લઈને નવી યોજના બનાવવામાં વ્યસ્ત છે. ભારતીય ખેલાડીઓને ઘરેલુ ક્રિકેટ તરફ આકર્ષવા માટે BCCI મેચ ફી વધારવા પર પણ વિચાર કરી રહી છે. એટલું જ નહીં, BCCI ટેસ્ટ મેચ રમનારા ખેલાડીઓને વધુ પગાર આપવાનું પણ વિચારી રહ્યું છે. આગામી સમયમાં ટેસ્ટ ક્રિકેટ રમી રહેલા ભારતીય ખેલાડીઓની રિટેનરશિપ વેલ્યુમાં નોંધપાત્ર વધારો થઈ શકે છે.ટાઈમ્સ ઓફ ઈન્ડિયાના અહેવાલ મુજબ, બીસીસીઆઈ આ વિષય પર મુખ્ય કોચ રાહુલ દ્રવિડ, કેપ્ટન રોહિત શર્મા અને મુખ્ય પસંદગીકાર અજીત અગરકર સાથે ચર્ચા કરી રહી છે. સૂત્રોના જણાવ્યા અનુસાર, બોર્ડને ટેસ્ટ અને ડોમેસ્ટિક બંને સ્તરે ખેલાડીઓની મેચ ફી/રિટેનરશિપ વેલ્યુ વધારવાનો પ્રસ્તાવ મળ્યો છે.

સૂત્રએ કહ્યું, ‘ટેસ્ટ મેચ અને ફર્સ્ટ ક્લાસ મેચ ફી ત્રણ ગણી વધારવાની ભલામણો મળી છે. જો કોઈ ખેલાડી આખી રણજી ટ્રોફી રમે છે તો તેને લગભગ 75 લાખ રૂપિયા મળવા જોઈએ, જે સરેરાશ IPL કોન્ટ્રાક્ટની બરાબર છે. સૂત્રે વધુમાં કહ્યું, ‘એવું પણ સૂચવવામાં આવ્યું છે કે જો કોઈ ખેલાડી એક વર્ષમાં તમામ ટેસ્ટ મેચ રમે છે, તો તે 15 કરોડ રૂપિયા કમાઈ શકે છે જે કોઈપણ મોટા આઈપીએલ કોન્ટ્રાક્ટની સમકક્ષ છે.’હાલમાં, જો કોઈ ભારતીય ખેલાડી એક સિઝનમાં તમામ 10 રણજી મેચ રમે છે, તો તે લગભગ 20 લાખ રૂપિયાની કમાણી કરી શકે છે. IPL ઓક્શનમાં ખેલાડીની બેઝ પ્રાઈસ 20 લાખ રૂપિયાથી ઓછી નથી. આવી સ્થિતિમાં ખાસ કરીને ઝડપી બોલરો ડોમેસ્ટિક ક્રિકેટને વધુ મહત્વ આપવા માંગતા નથી. તમને જણાવી દઈએ કે આ વખતે જે કોન્ટ્રાક્ટ લિસ્ટ બહાર પાડવામાં આવ્યું છે તેમાં બોર્ડે સેન્ટ્રલ કોન્ટ્રાક્ટમાં સામેલ ખેલાડીઓની ફી અંગે કોઈ માહિતી આપી નથી.

ગ્રેડ એ + – રોહીત શર્મા, વિરાટ કોહલી,જસપ્રિત બુમરાહ અને રવિન્દ્ર જાડેજા,

ગ્રેડ એ – અશ્વિન, મોહમ્મદ શમી, સિરાજ,કે.એલ.રાહુલ,શુભમગ ગીલ અને હાર્દીક પંડયા

ગ્રેડ બી – સુર્યકુમાર યાદવ, રૂષભ પંત,કુલદીપ યાદવ,અક્ષર પટેલ અને યશસ્વી જયસ્વાલ

ગ્રેડ સી – રિકુ સિંહ, તિકલ વર્મા, રૂતુરાજ ગાયકવાડ,શાર્દુલ ઠાકુર, શિવમ દૂબે, રવિ બિશ્નોઇ, જીતેશ શર્મા, વોશિંગ્ટન સુંદર, મુકેશ કુમાર, સંજુ સેમસન,અર્શદીપ સિંહ, કે.એસ ભરત.પ્રસિદ્ધ કુષ્ણ, આવેશ ખાન અને રજત પાટિદાર