Related Posts
Category : Sports
Asian Games -ભારતનું ખાતું 12માં દિવસે Goldથી ખુલ્યું.
એશિયન ગેમ્સમાં ભારતીય ખેલાડીઓનું જોરદાર પ્રદર્શન જારી રહ્યું છે. ભારતે એશિયન ગેમ્સમાં પણ 19 ગોલ્ડ સહિત 82 મેડલ જીતીને પોતાનું સર્વશ્રેષ્ઠ પ્રદર્શન કર્યું છે. પરંતુ અત્યારે લક્ષ્ય 100 મેડલનું છે. આજે, ગેમ્સના 12માં દિવસે, ભારતીય ખેલાડીઓ સ્ક્વોશમાં બે ગોલ્ડ મેડલ મેચમાં ભાગ લેશે. કમ્પાઉન્ડમાં મહિલા ટીમે ફાઇનલમાં ગોલ્ડ જીત્યો હતો. બીજી તરફ પીવી સિંધુ તેની ક્વાર્ટર ફાઈનલ મેચ હારી ગઈ હતી.
જ્યોતિ સુરેખા વેન્નમ, અદિતિ સ્વામી અને પ્રનીત કૌરની ત્રિપુટીએ ભારત માટે ગોલ્ડ મેડલ જીત્યો છે. મહિલા ટીમ ઈવેન્ટની ફાઇનલમાં ભારતને ચાઈનીઝ તાઈપેઈના પડકારનો સામનો કરવો પડ્યો હતો. ભારતે ફાઈનલ મેચ 230-229 થી જીતી હતી. છેલ્લા રાઉન્ડ પહેલા મુકાબલો 200-200ની બરાબરી પર હતો. ભારતીય ત્રિપુટીએ સતત ત્રણ વખત પરફેક્ટ 10 શોટ કર્યા અને ગોલ્ડ મેડલ જીત્યો.
ભારતની ફાઇનલિસ્ટ પંખાલ મહિલાઓની 53 કિગ્રા ફ્રી સ્ટાઇલ ક્વાર્ટર ફાઇનલમાં હારી ગઈ હતી. જાપાનની અકારી ફુજીનામી સામે ફાઈનલ 6-0થી હારી. જોકે તેની પાસે હજુ પણ રિપેચેજ દ્વારા બ્રોન્ઝ મેડલ જીતવાની તક છે.
કબડ્ડીમાં ભારતીય પુરુષ ટીમ ચાઈનીઝ તાઈપેઈ સામે ટક્કર આપી રહી છે. પ્રથમ 8 મિનિટમાં જ ભારતીય ટીમે મેચમાં 10થી વધુ પોઈન્ટની સરસાઈ મેળવી લીધી છે. 8 મિનિટની રમત બાદ ભારત 14-2થી આગળ છે.
એથ્લેટિક્સની છેલ્લી ઈવેન્ટમાં ભારત મેડલ જીતી શક્યું ન હતું. ભારતના માન સિંહે મેરેથોનમાં 2:16:59ના સમય સાથે આઠમું સ્થાન મેળવ્યું હતું. ચીનના હી જીએ 2:13:02ના સમય સાથે ગોલ્ડ મેડલ જીત્યો હતો.
Load more
