Related Posts
Category : Gujarat
સુરત – શિસ્તબદ્ધ ભાજપના બે નેતાની MLAની હાજરીમાં મારામારી
Surat News: સુરતના સ્થાનિક રાજકારણમાં ગરમાવો લાવતી એક મોટી ઘટના સામે આવી છે. સુરત-ઉત્તર વિધાનસભા મતવિસ્તારના ભાજપના ધારાસભ્ય કાંતિ બલરના કાર્યાલયમાં જ ભાજપના નેતાઓ વચ્ચે ભારે હોબાળો થતાં રાજકીય વર્તુળોમાં ચકચાર મચી ગઈ છે. ધારાસભ્યની હાજરીમાં જ ટીપી કમિટીના અધ્યક્ષ મહેન્દ્ર દેસાઈ અને મહિલા કોર્પોરેટર જયશ્રી વોરાના પતિ મનહર વોરા વચ્ચે ઉગ્ર બોલાચાલી બાદ છૂટાહાથની મારામારી થઈ હોવાની ચર્ચાઓએ જોર પકડ્યું છે.
સોસાયટીના પ્રશ્નોની બેઠક બાદ શરૂ થયો વિવાદ
મળતી વિગતો અનુસાર, કાર્યાલય ખાતે ભાતની વાડી સોસાયટીના વિવિધ સ્થાનિક પ્રશ્નો અને સમસ્યાઓના નિરાકરણ માટે એક ખાસ બેઠકનું આયોજન કરવામાં આવ્યું હતું. આ બેઠકમાં વોર્ડ નંબર 5ના ચારેય કોર્પોરેટરો તેમજ સોસાયટીના અગ્રણીઓ અને સ્થાનિક લોકો હાજર રહ્યા હતા. સોસાયટીના આગેવાનો સાથેની ચર્ચા પૂર્ણ થયા બાદ તેઓ ત્યાંથી રવાના થઈ ગયા હતા. જોકે, આગેવાનોના ગયા પછી કોર્પોરેટરો વચ્ચે આંતરિક મુદ્દાઓ પર ચર્ચા શરૂ થઈ હતી.
Load more
