Related Posts
Category : Gujarat
BREAKING: ભારે વરસાદને પગલે અમદાવાદ શહેર પૂર્વની તમામ શાળાઓ આવતીકાલે બંધ
Gujarat Rain News: અમદાવાદ, શહેરમાં સતત વરસી રહેલા ભારે વરસાદ અને વિદ્યાર્થીઓની સલામતીને ધ્યાનમાં રાખીને અમદાવાદ શહેર પૂર્વના જિલ્લા શિક્ષણાધિકારીએ મહત્વપૂર્ણ નિર્ણય લીધો છે. સરકારની સૂચના અનુસાર તા. 25/07/2026 (શનિવાર) ના રોજ અમદાવાદ શહેર પૂર્વ વિસ્તારમાં આવેલી તમામ સરકારી, અનુદાનિત અને સ્વનિર્ભર પ્રાથમિક, માધ્યમિક તથા ઉચ્ચતર માધ્યમિક શાળાઓ તેમજ કોલેજોમાં રજા જાહેર કરવામાં આવી છે.
DEOનો પૂર્વની શાળા-કોલેજને આદેશ
જિલ્લા શિક્ષણાધિકારી દ્વારા જાહેર કરાયેલા પરિપત્રમાં જણાવાયું છે કે, ભારે વરસાદની પરિસ્થિતિને ધ્યાનમાં રાખી વિદ્યાર્થીઓના આરોગ્ય અને સલામતીને સર્વોચ્ચ પ્રાથમિકતા આપવામાં આવી છે. જેના અનુસંધાને શૈક્ષણિક કાર્ય સંપૂર્ણપણે બંધ રહેશે.
જિલ્લા શિક્ષણાધિકારીએ તમામ શાળા સંચાલકોને સૂચના આપી છે કે, રજાની જાણ તાત્કાલિક ધોરણે WhatsApp, SMS, ફોન અથવા અન્ય ઉપલબ્ધ માધ્યમો દ્વારા વિદ્યાર્થીઓ અને વાલીઓ સુધી પહોંચાડવામાં આવે.
સાથે જ આગામી દિવસોમાં શાળાઓ શરૂ કરવા અંગેનો નિર્ણય જિલ્લા વહીવટીતંત્ર દ્વારા વરસાદની પરિસ્થિતિની સમીક્ષા બાદ અલગથી જાહેર કરવામાં આવશે. તેથી અધિકૃત સૂચનાઓનું જ પાલન કરવા અપીલ કરવામાં આવી છે.
Load more
