ઈરાનના-રાષ્ટ્રપતિએ PM મોદીને ખામેનીના અંતિમ સંસ્કારમાં હાજરી આપવા આમંત્રણ મોકલ્યું

ઈરાનના-રાષ્ટ્રપતિએ PM મોદીને ખામેનીના અંતિમ સંસ્કારમાં હાજરી આપવા આમંત્રણ મોકલ્યું

ઈરાનના રાષ્ટ્રપતિ મસૂદ પેઝેશકિયને વડાપ્રધાન નરેન્દ્ર મોદીને ઈરાનના સર્વોચ્ચ નેતા અયાતુલ્લાહ અલી ખામેનીના રાજકીય અંતિમ સંસ્કાર સમારોહમાં હાજરી આપવા માટે ઔપચારિક આમંત્રણ મોકલ્યું છે. ખામેનીનું ફેબ્રુઆરીમાં અમેરિકી-ઈઝરાયલી હવાઈ હુમલામાં મૃત્યુ થયું હતુંતેમની અંતિમ વિદાય સંબંધિત કાર્યક્રમો 4 જુલાઈથી શરૂ થઈને 9 જુલાઈ સુધી ચાલશે. જોકે, હજુ એ નક્કી નથી થયું કે ભારત તરફથી PM મોદી જશે કે અન્ય કોઈ પ્રતિનિધિ હાજરી આપશે. ખામેનીના નિધન બાદ ભારત તરફથી વિદેશ સચિવ વિક્રમ મિસરીએ નવી દિલ્હી સ્થિત ઈરાની દૂતાવાસ જઈને શોક વ્યક્ત કર્યો હતો.

તો બીજી તરફ, અમેરિકી સંસદના ઉપલા ગૃહ સેનેટે ઈરાન યુદ્ધ વિરુદ્ધ પ્રસ્તાવ પસાર કર્યો છે. 50-48 મતોથી મંજૂર થયેલા આ પ્રસ્તાવમાં અમેરિકી રાષ્ટ્રપતિ ડોનાલ્ડ ટ્રમ્પને ઈરાન વિરુદ્ધ સૈન્ય કાર્યવાહી રોકવા માટે કહેવામાં આવ્યું છે. આ પહેલા હાઉસ ઓફ રિપ્રેઝન્ટેટિવમાં પણ આ પ્રસ્તાવને મંજૂરી મળી ચૂકી છે.1973ના વોર પાવર્સ એક્ટ પછી આ પહેલો પ્રસંગ છે, જ્યારે અમેરિકી કોંગ્રેસના બંને ગૃહોએ કોઈ રાષ્ટ્રપતિ પાસેથી યુદ્ધ જેવી કાર્યવાહી સમાપ્ત કરવાની માગ કરી છે. મતદાન દરમિયાન ચાર રિપબ્લિકન સાંસદોએ પણ ડેમોક્રેટ્સનો સાથ આપ્યો, જેનાથી ટ્રમ્પની પાર્ટીની અંદર વધતી બળવાખોરી પણ સામે આવી.જોકે વ્હાઇટ હાઉસે કહ્યું છે કે આ પ્રસ્તાવની કોઈ કાનૂની અસર નહીં થાય અને અમેરિકી સૈન્ય કાર્યવાહી પહેલાથી જ સમાપ્ત થઈ ચૂકી છે.

આ દરમિયાન અમેરિકી વિદેશ મંત્રી માર્કો રુબિયો UAE, બહેરીન અને કુવૈતની મુલાકાતે પહોંચ્યા છે. તેમનો હેતુ અમેરિકા-ઈરાન કરારને લઈને ખાડી દેશોની ચિંતાઓને દૂર કરવાનો છે. આ દેશોને આશંકા છે કે કરારથી હોર્મુઝ સ્ટ્રેટમાં ઈરાનનો પ્રભાવ વધી શકે છે. સાથે જ કરારમાં ઈરાનના મિસાઈલ કાર્યક્રમ પર કોઈ સ્પષ્ટ શરત ન હોવાથી પણ સવાલો ઉઠી રહ્યા છે.અમેરિકા અને ઈરાન વચ્ચે ચાલી રહેલી વાટાઘાટોમાં ઈરાનના પુનર્નિર્માણ માટે 300 અબજ ડોલરના સંભવિત ભંડોળ પર પણ ચર્ચા થઈ રહી છે. એવું માનવામાં આવે છે કે આમાં ખાડી દેશો પાસેથી આર્થિક સહયોગ માંગી શકાય છે. આવી સ્થિતિમાં, વોશિંગ્ટન તેના સહયોગી દેશોનો ટેકો મેળવવાનો પ્રયાસ કરી રહ્યું છે.