જ્યોતિષ શાસ્ત્રમાં શનિદેવની ચાલ અને રાશિ-નક્ષત્ર પરિવર્તનની અસર ખુબ મહત્વ ધરાવે છે. શનિ એ ધીમી ગતિથી ગોચર કરતો ગ્રહ છે. શનિએ 2025માં મીન રાશિમાં ગોચર કર્યું હતું અને હવે 2027માં મેષ રાશિમાં ગોચર કરશે. આ સાથે જ કેટલીક રાશિ પર સાડાસાતી શરૂ થશે અને કેટલીક રાશિ પરથી અસર ઉતરશે. આવામાં કઈ રાશિ પર શનિના ગોચરની સાથે સાડાસાતી શરૂ થશે તે જાણો અને આ સાડાસાતીના પ્રથમ તબક્કાથી શું ધ્યાન રાખવું કે જેથી કરીને તેની અસર ઓછી થાય તે પણ ખાસ જાણો.
2027માં શનિનું ગોચર, આ રાશિ પર શરૂ થશે સાડા સાતી
શનિ જ્યારે મેષ રાશિમાં ગોચર કરશે ત્યારે આ સાથે જ વૃષભ રાશિ પર સાડાસાતીનો પ્રથમ તબક્કો કે જેને ઉદય કાળ પણ કહે છે તે શરૂ થશે. આ સમય એવો હોય છે જ્યારે જીવનમાં ધીરે ધીરે બદલાવ જોવા મળે છે. જો કે રાહતની વાત એ છે કે વૃષભ રાશિના સ્વામી શુક્ર સાથે શનિની મિત્રતા છે આથી આ સમયગાળો વધુ કપરો ગણાતો નથી પરંતુ આમ છતાં સાવધાની, સંયમ અને સમજદારી ખુબ જરૂરી હોય છે.