Related Posts
Category : Gujarat
‘જો તું મુંડન નહીં કરાવે તો તારા પતિની આત્માને શાંતિ નહીં મળે’, રાજકોટમાં વિધવા મહિલાનું બળજબરીથી મુંડન
Rajkot News: આપણે 21મી સદીમાં જીવીએ છીએ, જ્યાં વિજ્ઞાન અને ઇન્ફોર્મેશન ટેકનોલોજીનો સૂરજ તપે છે. પરંતુ રાજકોટમાં બનેલી એક તાજેતરની ઘટનાએ સાબિત કરી દીધું છે કે સમાજના અમુક હિસ્સામાં આજે પણ મધ્યયુગીન માનસિકતા અને અંધશ્રદ્ધાનો અંધકાર અકબંધ છે. વર્ષો પહેલા વિધવાનું મુંડન કરાવવાની પ્રથા હવે રાજકોટમાં રહેતી એક વિધવા સાથે બન્યું છે. શ્રીજા દિવસે જ સાસુ અને નણંદે સાથે મળી બળજબરીથી મુંડન કરાવી નાંખ્યું હતું.
રાજકોટના માયાણી ચોક વિસ્તારમાં પિયરમાં રહેતા ૩૬ વર્ષીય સોનલબેન જાગાણીએ તાજેતરમાં મહિલા પોલીસ સ્ટેશનમાં જે ફરિયાદ નોંધાવી છે તે સાંભળીને રૂંવાડા ઉભા થઈ જાય તેવી છે. ૨૦૨૩માં સોનલબેનના પતિ ચંદ્રેશભાઈનું કેન્સરની બીમારીને કારણે અવસાન થયું હતું. પતિના મૃત્યુના હજુ ત્રીજા જ દિવસે, જ્યારે પરિવાર શોકમાં ડૂબેલું હોવું જોઈએ, ત્યારે તેમના સાસુ અને નણંદે એક અમાનવીય આદેશ આપ્યો. તેમણે સોનલબેનને ધમકાવતા કહ્યું કે, “જો તું માથાનું મુંડન નહીં કરાવે, તો તારા પતિની આત્માને શાંતિ નહીં મળે.” પુરાતનકાળની આ કુપ્રથાને આત્માની શાંતિ સાથે જોડીને એક લાચાર વિધવા પર દબાણ કરવામાં આવ્યું અને આખરે બળજબરીથી તેમનું મુંડન કરાવી નાખવામાં આવ્યું.
Load more
