Related Posts
Category : Gujarat
આરોગ્ય વિભાગનો મોટો નિર્ણય : આઉટસોર્સિંગ અને ૧૧ માસના કરાર આધારિત કર્મચારીઓ પાસેથી નહિ લેવાય આ કામ
Gandhiangar News : આરોગ્ય વિભાગે મોટો નિર્ણય જાહેર કર્યો છે. ગુજરાત સરકારના આરોગ્ય અને પરિવાર કલ્યાણ વિભાગે મહત્વપૂર્ણ પરિપત્ર જાહેર કર્યો. જેમાં જાહેરાત કરી કે, આઉટસોર્સિંગ અને ૧૧ માસના કરાર આધારિત કર્મચારીઓને હવે નાણાકીય અને હિસાબી કામગીરી સોંપી શકાશે નહીં. સરકારનું કહેવું છે કે, આવી કામગીરી સોંપવાથી આર્થિક અને વહીવટી સમસ્યાઓ ઊભી થવાની શક્યતા રહે છે. રાજ્યની તમામ આરોગ્ય સંસ્થાઓ અને સરકારી કચેરીઓને તાત્કાલિક અસરથી આ સૂચનાનું પાલન કરવા આદેશ કરાયો છે. જ્યાં આવા કર્મચારીઓ પાસે હિસાબી અથવા નાણાકીય કામકાજ હોય ત્યાંથી તે કામગીરી પરત લેવા સૂચના અપાઈ.
પરિપત્રમા જણાવ્યા અનુસાર, આ કામગીરી હવે નિયમિત નિમણૂક ધરાવતા કર્મચારીઓને જ સોંપવાની રહેશે. ખાસ સંજોગોમાં નિયમિત કર્મચારી ઉપલબ્ધ ન હોય તો ખાતાના વડાની પૂર્વ મંજૂરી બાદ જ કરાર આધારિત કર્મચારીઓને કામગીરી આપી શકાશે. નિયમોના ઉલ્લંઘનથી કોઈ નાણાકીય કે વહીવટી વિવાદ સર્જાશે તો તેની સંપૂર્ણ જવાબદારી કચેરી અથવા સંસ્થાના વડાની રહેશે.
Load more
