સીએનજીના સતત વધતા ભાવ પાછળ ગેસ વિતરણ કંપનીઓએ મુખ્યત્વે વૈશ્વિક પરિબળોને જવાબદાર ગણાવ્યા છે. આંતરરાષ્ટ્રીય બજારમાં તેજીને કારણે સમગ્ર ગ્લોબલ માર્કેટમાં કુદરતી ગેસની કિંમતોમાં નોંધપાત્ર ઉછાળો આવ્યો છે.મજબૂત ડોલરની આડઅસરને કારણે વિદેશી વિનિમય બજારમાં ભારતીય રૂપિયા સામે અમેરિકન ડોલર વધુ મજબૂત થયો છે. ભારત મોટા પાયે ગેસની આયાત કરે છે. ડોલર મોંઘો થવાના કારણે દેશમાં ગેસ આયાત કરવાનો ખર્ચ પણ વધી જાય છે.
આ આંતરરાષ્ટ્રીય દબાણની સીધી અસર સ્થાનિક બજારના છૂટક ભાવો પર પડી રહી છે અને કંપનીઓ પોતાનો ખર્ચ સરભર કરવા માટે વારંવાર ભાવ વધારી રહી છે. સીએનજી મોંઘો થવાના કારણે આગામી દિવસોમાં રિક્ષા, ટેક્સી અને માલસામાનના ભાડા વધવાની પણ પૂરેપૂરી આશંકા છે, જે સામાન્ય નાગરિકોની મુશ્કેલીઓ વધુ વધારશે.
