જાણીતી ટીવી એક્ટ્રેસ અચાનક પાપારાઝી પર ભડકી, ખરીખોટી પણ સંભળાવી, શું હતો મામલો?

By: nationgujarat
20 Dec, 2025

TV Actress Ankita Lokhande: જાણીતી ટીવી એક્ટ્રેસ અંકિતા લોખંડેએ 19મી ડિસેમ્બરના રોજ પોતાનો 41મો જન્મદિવસ ઉજવ્યો, અને અભિનેત્રીએ પરિવાર અને મિત્રો સાથે એક ભવ્ય પાર્ટીનું આયોજન કર્યું હતું. જેમાં અંકિતા તેના પતિ વિક્કી જૈન સાથે ખૂબ જ ખુશ દેખાતી હતી. આ દરમિયાન પાપારાઝી તેની પાર્ટીમાં ઘૂસી ગયા હતા. પાર્ટીના આ ગેટક્રેશથી અંકિતા લોખંડે ગુસ્સે થઈ ગઈ હતી.

અંકિતા લોખંડેનો વીડિયો વાઈરલ

સોશિયલ મીડિયા પર એક વીડિયો વાઈરલ થઈ રહ્યો છે જેમાં અંકિતા લોખંડે પાપારાઝી પર ગુસ્સે થઈ રહી છે. આ દરમિયાન વિકી જૈન પણ તેની સાથે છે. પાપારાઝીને જોઈને અંકિતા પૂછે છે, ‘તમે લોકો અંદર કેમ આવ્યા?’ જ્યારે પાપારાઝીમાંથી એક કહે છે કે ‘અમે નહીં, પણ કોઈ બીજું હતું.’ ત્યારે અંકિતાએ કહ્યું, ‘ખોટું છે. આ ખૂબ જ ખોટું છે.’

આ સ્ટાર્સે અંકિતા લોખંડેની પાર્ટીમાં હાજરી આપી

પાપારાઝીએ અંકિતાની માફી માંગી, અને અભિનેત્રી તેના પતિ સાથે ચાલી ગઈ. ત્યારબાદ અંકિતાએ મિત્રો અને પરિવાર સાથે પાર્ટી કરવાનું શરૂ કર્યું. ખાનઝાદી, મન્નારા ચોપરા, સમર્થ જુરેલ, દિવ્યા અગ્રવાલ અને અપર્ણા દીક્ષિત સહિત અનેક ટીવી સ્ટાર્સે પાર્ટીમાં હાજરી આપી. આ દરમિયાન, વિકી જૈને અંકિતા માટે એક પોસ્ટ લખી, જેમાં તેની બધી હૃદયસ્પર્શી લાગણીઓ અને પ્રેમ ઠાલવ્યો

અંકિતા અને વિક્કીના લગ્ન અને કારકિર્દી

ઉલ્લેખનીય છે કે, અંકિતા લોખંડે અને વિક્કીએ 2021માં લગ્ન કર્યાં હતા અને ઘણાં સમયથી તેમના પરિવાર નિયોજનની અફવાઓ ચાલી રહી છે. અંકિતાના ગર્ભાવસ્થાની અફવા ઘણી વખત સામે આવી છે, પરંતુ આ કપલે તેનો ઈનકાર કર્યો હતો. અંકિતા ઘણાં સમયથી નાના પડદાથી દૂર છે. જો કે, તે અને વિક્કી જૈન “લાફ્ટર શેફ્સ”ની બીજી સીઝનમાં દેખાયા હતા. વિક્કી બિલાસપુરમાં કોલસાનો વેપારી છે, પરંતુ હવે તે ફિલ્મ નિર્માતા બની ગયો છે અને રિયાલિટી શોમાં દેખાયો છે.


Related Posts

Load more
Follow Us

Live Cricket Score