Related Posts
Category : Gujarat
4 દિવસમાં 2000+ ઇન્ડિગો ફ્લાઇટ રદ:3 લાખ મુસાફરો પરેશાન;
દેશની સૌથી મોટી એરલાઇન કંપની ઇન્ડિગોના ઓપરેશનમાં સતત પાંચમા દિવસે શનિવારે સુધારો જોવા મળ્યો નથી. દિલ્હી, મુંબઈ, બેંગલુરુ અને ચેન્નઈ એરપોર્ટ પર રાતભર મુસાફરો પરેશાન જોવા મળ્યા. આ પહેલા ચાર દિવસમાં રદ થયેલી ફ્લાઇટ્સની સંખ્યા 2,000 થી વધુ થઈ ગઈ છે. આનાથી લગભગ 3 લાખ મુસાફરો સીધા પ્રભાવિત થયા.
આજે અને કાલે ઇન્ડિગોની 25–30% વધુ ફ્લાઇટ્સ રદ અથવા મોડી પડી શકે છે. છેલ્લા 4 દિવસમાં દરરોજ સરેરાશ 500 ફ્લાઇટ્સ મોડી પડી રહી છે, જે શનિવાર અને રવિવારે વધીને 600 સુધી પહોંચી શકે છે. આનું કારણ એ છે કે શનિવાર અને રવિવારે અન્ય દિવસો કરતાં એક તૃતીયાંશ વધુ ફ્લાઇટ્સ ઓપરેટ થાય છે.
ઇન્ડિગોનું કહેવું છે કે ફ્લાઇટ ઓપરેશન સામાન્ય થવામાં 15 ડિસેમ્બર સુધીનો સમય લાગશે. બીજી તરફ, રેલવેએ 37 પ્રીમિયમ ટ્રેનોમાં 116 વધારાના કોચ જોડ્યા છે. આ નિર્ણય એવા શહેરો અને રૂટ્સ માટે કરવામાં આવ્યો છે, જ્યાં ઇન્ડિગોના મુસાફરોની વધુ અવરજવર છે. આના દ્વારા દરરોજ 35,000 મુસાફરોને ફાયદો થશે.
સ્પાઈસ જેટના ચેરમેન અજય સિંહે કહ્યું કે આ ઘટના અત્યંત દુર્ભાગ્યપૂર્ણ છે. યાત્રીઓની સુવિધા માટે આગામી 2-3 દિવસમાં 100 વધારાની ફ્લાઈટ્સ શરૂ કરવામાં આવશે જેથી પ્રભાવિત યાત્રીઓને મદદ મળી શકે. બીજી એરલાઈન્સના ભાડા વધારવાને કારણે યાત્રીઓને વૈકલ્પિક ફ્લાઈટ્સની શોધમાં સામાન્ય કરતાં 10 ગણા ભાવે ટિકિટ ખરીદવી પડી રહી છે.
DGCAના તે નવા નિયમો, જેનાથી ઈન્ડિગોમાં સ્ટાફ ક્રાઈસિસ થઈ
નાગરિક ઉડ્ડયન મહાનિર્દેશાલય (DGCA) એ એરલાઈન્સ, ખાસ કરીને ઈન્ડિગોને 10 ફેબ્રુઆરી 2026 સુધી અસ્થાયી રાહત આપી છે. વીકલી રેસ્ટના બદલે કોઈ પણ રજા ન આપવાના નિર્ણયને પાછો ખેંચી લીધો.
DGCA એ 1 નવેમ્બરથી પાયલટ અને અન્ય ક્રૂ મેમ્બર્સના કામ સંબંધિત નિયમોમાં ફેરફાર કર્યા હતા. તેને ફ્લાઇટ ડ્યુટી ટાઇમ લિમિટેશન (FDTL) નામ આપવામાં આવ્યું છે. આને બે તબક્કામાં લાગુ કરવામાં આવ્યા. પ્રથમ તબક્કો 1 જુલાઈએ લાગુ થયો.
જ્યારે 1 નવેમ્બરથી બીજો તબક્કો લાગુ થયો. નવા નિયમોમાં મુસાફરોની સુરક્ષા વધારવા માટે પાયલટો અને ક્રૂને પૂરતો આરામ આપવા પર ભાર મૂકવામાં આવ્યો છે. આ કારણે એરલાઇન કંપનીઓ પાસે પાયલટો અને ક્રૂ મેમ્બર્સની અચાનક અછત સર્જાઈ છે. DGCA એ જણાવ્યું કે નવેમ્બરમાં ઇન્ડિગોની કુલ 1,232 ફ્લાઇટ્સ રદ કરવામાં આવી હતી, જેમાં FDTL નિયમોને કારણે 755 ફ્લાઇટ્સનો સમાવેશ થાય છે.
લાઈવ અપડેટ્સ
12 મિનિટ પેહલા
જયપુરથી ઇન્ડિગોની આજે 6 ફ્લાઇટ્સ રદ
આજે જયપુરથી ઇન્ડિગોની 6 ફ્લાઇટ્સ રદ થઈ ગઈ છે. તેમાં બેંગલુરુ, હૈદરાબાદ, ગુવાહાટી, મુંબઈ, કોલકાતા જતી ફ્લાઇટ્સનો સમાવેશ થાય છે.
Load more
