Related Posts
Category : Sports
ભારતને કારણે પાકિસ્તાનને આંતરરાષ્ટ્રીય મંચ પર ભોઢુ પડયું, હવે PCBએ લીધો મોટો નિર્ણય
ભારતે વર્લ્ડ ચેમ્પિયનશિપ ઓફ લિજેન્ડ્સમાં પાકિસ્તાન સામેની મેચનો વારંવાર બહિષ્કાર કર્યા બાદ, પાકિસ્તાન ક્રિકેટ બોર્ડે એક મોટું પગલું ભર્યું છે. ભારતના આ નિર્ણયને કારણે, પાકિસ્તાનને આંતરરાષ્ટ્રીય સ્તરે અપમાનિત કરવામાં આવ્યું છે. PCB એ ખાનગી ક્રિકેટ લીગમાં દેશના નામના ઉપયોગ પર પ્રતિબંધ મૂક્યો હોવાના અહેવાલ છે. ટેલિકોમ એશિયા સ્પોર્ટના અહેવાલ મુજબ, ગુરુવારે બોર્ડ ઓફ ડિરેક્ટર્સની બેઠક દરમિયાન આ નિર્ણય લેવામાં આવ્યો હતો. પાકિસ્તાન ક્રિકેટ બોર્ડ માને છે કે આ દેશની પ્રતિષ્ઠાને નુકસાન પહોંચાડી રહ્યું છે.
હકીકતમાં, એપ્રિલમાં પહેલગામ હુમલા પછી, ભારતે કોઈપણ સ્તરે પાકિસ્તાન સાથે ક્રિકેટ ન રમવાનો નિર્ણય લીધો છે. આવી સ્થિતિમાં, ભારતીય ખેલાડીઓએ આ ખાનગી લીગમાં પણ પાકિસ્તાન સામે રમવાનો ઇનકાર કર્યો હતો. જો તે ICC અથવા ACC ટુર્નામેન્ટ હોત, તો પાકિસ્તાન પોતાનો અવાજ ઉઠાવી શક્યું હોત, એક ખાનગી ઇવેન્ટ હોવાથી, પાકિસ્તાન WCLમાં કંઈ કરી શકતું નથી, જેના કારણે બોર્ડે આ નિર્ણય લીધો છે.
પાકિસ્તાન આજે એટલે કે 2 ઓગસ્ટના રોજ દક્ષિણ આફ્રિકા સામે વર્લ્ડ ચેમ્પિયનશિપ ઓફ લિજેન્ડ્સની ફાઇનલ રમવાનું છે, આ ટાઇટલ મેચમાં કોઈ ફેરફાર થશે નહીં, પરંતુ ભવિષ્યમાં ખાનગી સંસ્થાઓએ દેશના નામનો ઉપયોગ કરવા માટે PCB પાસેથી સ્પષ્ટ પરવાનગી લેવી પડશે. જો કોઈ ખાનગી સંસ્થા પાકિસ્તાનના નામનો ઉપયોગ કરશે, તો તેને કાનૂની કાર્યવાહીનો સામનો કરવો પડી શકે છે. જો PCB ને લીગ અને સંગઠનની પ્રામાણિકતા પ્રતિષ્ઠિત લાગે તો તેને ક્રિકેટ ઇવેન્ટ્સ માટે તેનો ઉપયોગ કરવાની મંજૂરી આપવાનો સંપૂર્ણ અધિકાર PCB પાસે છે.
Load more
