Related Posts
Category : Sports
મેચ ફિક્સિંગના આરોપમાં 3 ક્રિકેટરની ધરપકડ, જેમાં એક ખેલાડીએ ભારત સામે છેલ્લી વન-ડે રમી હતી
3 Former South Africa players Arrested For Fixing : સાઉથ આફ્રિકામાં મેચ ફિક્સિંગનો કિસ્સો સામે આવ્યો છે. સાઉથ આફ્રિકાના ત્રણ ભૂતપૂર્વ ક્રિકેટરોની ફિક્સિંગના આરોપમાં ધરપકડ કરવામાં આવી છે. ભૂતપૂર્વ ફાસ્ટ બોલર લોનોવો ત્સોતસોબે, થામસાનકા ટીસોલેકિલે અને અથી ભાલાતીની 2015-16 T20 રૈમ સ્લેમ ચેલેન્જ દરમિયાન ફિક્સિંગ માટે ધરપકડ કરવામાં આવી છે.
સાઉથ આફ્રિકા ક્રિકેટએ પ્રતિબંધ મૂક્યો હતો
અથી ભાલાતીની 18 નવેમ્બરે ધરપકડ કરવામાં આવી હતી અને 28 અને 29 નવેમ્બરના રોજ ટીસોલેકિલે અને ત્સોત્સોબેની ધરપકડ કરવામાં આવી હતી. DPCE ના કરપ્શન ઇન્વેસ્ટિગેશન યુનિટ દ્વારા તપાસ બાદ આ ધરપકડ કરવામાં આવી હતી.અથી ભાલાતીને પ્રિટોરિયામાં સ્પેશિયલાઇઝ્ડ કોમર્શિયલ ક્રાઇમ કોર્ટ સમક્ષ રજૂ કરવામાં આવી હતી. તેમનો કેસ 20 ફેબ્રુઆરી 2025 સુધી મુલતવી રાખવામાં આવ્યો છે. ટીસોલેકિલ અને ત્સોત્સોબે પર પાંચ કેસમાં ભ્રષ્ટાચારનો આરોપ છે. તેમના કેસની સુનાવણી 29 નવેમ્બરે થઈ હતી અને હવે તેને 26 ફેબ્રુઆરી 2025 સુધી મુલતવી રાખવામાં આવી છે.
ગુલામ બોદીની સંડોવણીનો પર્દાફાશ થતા ક્રિકેટરો શંકાના દાયરામાં આવ્યા
આ ત્રણ ભૂતપૂર્વ ક્રિકેટરો શંકાના દાયરામાં આવ્યા જ્યારે ક્રિકેટ સાઉથ આફ્રિકાના એન્ટી કરપ્શન ઓફિસરે મેચ ફિક્સિંગમાં ભૂતપૂર્વ ખેલાડી ગુલામ બોદીની સંડોવણીનો પર્દાફાશ કર્યો. તપાસમાં જાણવા મળ્યું છે કે બોદીએ ભારતીય બુકીઓ સાથે મળીને આ ત્રણ ખેલાડીઓનો સંપર્ક કર્યો હતો અને તેમને T20 રૈમ સ્લેમમાં મેચ ફિક્સ કરવા માટે કહ્યું હતું. બોડીની જુલાઇ 2018માં ધરપકડ કરવામાં આવી હતી અને આઠ ગુનાઓમાં દોષી કબૂલ્યા બાદ ઓક્ટોબર 2019માં પાંચ વર્ષની જેલની સજા ફટકારવામાં આવી હતી.
ભારત સામે છેલ્લી ODI મેચ રમી હતી
લોનોવો ત્સોતસોબેએ સાઉથ આફ્રિકા માટે આંતરરાષ્ટ્રીય ક્રિકેટમાં 100 થી વધુ વિકેટ લીધી છે. તેણે 2009માં આફ્રિકન ટીમ માટે વનડેમાં ડેબ્યૂ કર્યું હતું. આ પછી તેણે તેની છેલ્લી વનડે 2013માં ભારત સામે રમી હતી. લોનોવોએ આફ્રિકા માટે ટેસ્ટમાં 9 વિકેટ, વનડેમાં 94 વિકેટ અને T20 આંતરરાષ્ટ્રીય મેચોમાં કુલ 18 વિકેટ લીધી છે.
Load more
