Related Posts
Category : Sports
શું ટીમ ઇન્ડિયાના હેડ કોચ તરીકે રાહુલ દ્વવિડની જગ્યાએ કોઇ નવો આવી રહ્યો છે ?
ભારતીય ક્રિકેટ કંટ્રોલ બોર્ડ (BCCI) ટૂંક સમયમાં ભારતીય સિનિયર મેન્સ ક્રિકેટ ટીમના મુખ્ય કોચના પદ માટે જાહેરાત બહાર પાડશે. BCCI સેક્રેટરી જય શાહે આ જાણકારી આપી છે. ટીમ ઈન્ડિયાના વર્તમાન મુખ્ય કોચ રાહુલ દ્રવિડનો કાર્યકાળ આ વર્ષે જૂનમાં પૂરો થઈ રહ્યો છે અને આવી સ્થિતિમાં એ સ્પષ્ટ થઈ ગયું છે કે BCCI તેમનો કાર્યકાળ વધુ લંબાવવાનું વિચારી રહ્યું નથી. જોકે જય શાહે કહ્યું હતું કે જો દ્રવિડ આ પદ પર પાછા આવવા માંગે છે તો તેણે તેના માટે ફરીથી અરજી કરવી પડશે. એટલું જ નહીં, જય શાહે સ્પષ્ટ કર્યું કે ભારતીય ટીમના નવા વડા ભારતીય કે વિદેશી હોઈ શકે છે. ટીમ ઈન્ડિયાના બેટિંગ કોચ, બોલિંગ કોચ અને ફિલ્ડિંગ કોચ કોણ હશે તે નવા મુખ્ય કોચ સાથે ચર્ચા કર્યા બાદ નક્કી કરવામાં આવશે.
જય શાહે ક્રિકબઝ પર કહ્યું, ‘રાહુલ દ્રવિડનો કાર્યકાળ જૂન સુધીનો છે, તેથી જો તે અરજી કરવા માંગે છે, તો તે ફરીથી અરજી કરવા માટે સ્વતંત્ર છે. અમે હજુ નક્કી નથી કરી શકતા કે મુખ્ય કોચ ભારતીય હશે કે વિદેશી. તે CAC પર નિર્ભર રહેશે અને અમે વૈશ્વિક સંસ્થા છીએ. આ રીતે, બીસીસીઆઈએ સંકેત આપ્યો છે કે હાલમાં અલગ-અલગ ફોર્મેટ માટે અલગ-અલગ મુખ્ય કોચ પર વિચાર કરવામાં આવી રહ્યો નથી. ઈંગ્લેન્ડ એન્ડ વેલ્સ ક્રિકેટ બોર્ડ (ECB) અને પાકિસ્તાન ક્રિકેટ બોર્ડ (PCB)એ આ કરવાનું શરૂ કરી દીધું છે.
અલગ-અલગ ફોર્મેટ માટે અલગ-અલગ હેડ કોચ અંગે જય શાહે કહ્યું કે આ અંગે માત્ર CAC જ નિર્ણય લેશે. ભારત પાસે વિરાટ કોહલી, રોહિત શર્મા અને ઋષભ પંત જેવા ઘણા બધા ફોર્મેટના ખેલાડીઓ છે, તેથી ભારતમાં આવી સ્થિતિ નથી. શાહે સ્પષ્ટ કર્યું કે નવા મુખ્ય કોચ ટીમ ઈન્ડિયા સાથે લાંબા સમય સુધી જોડાયેલા રહેશે અને તેમનો પ્રથમ કાર્યકાળ ત્રણ વર્ષનો રહેશે.
Load more
