Related Posts
Category : National
માલદીવ્સના રાષ્ટ્રપતિ સામે અવિશ્વાસ દરખાસ્તની માગ
ભારત સાથેના વિવાદ બાદ માલદીવમાં રાષ્ટ્રપતિ મુઈઝ્ઝુ વિરુદ્ધ અવિશ્વાસનો પ્રસ્તાવ લાવવાની તૈયારી ચાલી રહી છે. માલદીવની વિપક્ષની પાર્ટી (માલદીવ્સ ડેમોક્રેટિક પાર્ટી)ના નેતા અલી અઝીમે કહ્યું છે કે આપણે દેશની વિદેશ નીતિને મજબૂત બનાવી રાખવી પડશે.
તેમણે સોશિયલ મીડિયા પ્લેટફોર્મ X પર લખ્યું છે કે આપણે પડોશી દેશોને વિખૂટા પડતાં બચાવવાના છે. આ પછી તેમણે પોતાની પાર્ટીને પૂછ્યું કે તેઓ મુઈઝ્ઝુને હટાવવા માટે કેમ તૈયાર છે. તેમણે આગળ પૂછ્યું- શું માલદીવ ડેમોક્રેટિક પાર્ટી મુઈઝ્ઝુ વિરુદ્ધ અવિશ્વાસ પ્રસ્તાવ લાવશે?
ઇઝરાયલની જાહેરાત – લક્ષદ્વીપમાં સી- વોટર ડિસેલિનેશન પ્લાન્ટ સ્થાપશે
ભારત અને માલદીવના બગડતા સંબંધો વચ્ચે ઇઝરાયલે એક મહત્વની જાહેરાત કરી છે. ઇઝરાયલ સરકાર મંગળવાર, 9 જાન્યુઆરી, 2024 થી લક્ષદ્વીપમાં સી વોટર ડિસેલિનેશન પ્લાન્ટ (દરિયાના ખારા પાણીને પીવાલાયક બનાવવા) પર કામ શરૂ કરી રહ્યા છે. ભારતમાં ઇઝરાયલની એમ્બેસીએ સોશિયલ મીડિયા પર આ માહિતી આપી હતી.
ઇઝરાયલની આ જાહેરાત આ સંદર્ભમાં મહત્વની બની જાય છે, કારણ કે માલદીવની પૂર્વ મંત્રી મરિયમ શિયુનાએ પણ ભારત અને વડાપ્રધાન નરેન્દ્ર મોદીના ઇઝરાયલ સાથેના સંબંધો વિશે અપમાનજનક ટિપ્પણી કરી હતી.
સોમવાર, 7 જાન્યુઆરીએ, ભારત-માલદીવ વિવાદ વિશ્વમાં હેડલાઇન્સ બનાવી રહ્યો હતો અને આખરે ભારત-મોદી પર ટિપ્પણી કરનારા ત્રણ મંત્રીઓને સસ્પેન્ડ કરવામાં આવ્યા હતા.
ઇઝરાયલે શું કહ્યું
ઇઝરાયલના દૂતાવાસે સોમવારે સોશિયલ મીડિયા પર એક પોસ્ટમાં કહ્યું – અમે આવતીકાલ (મંગળવાર, 9 જાન્યુઆરી, 2024) થી લક્ષદ્વીપમાં સી- વોટર પ્યુરીફાઈંગ પ્રોજેક્ટ પર કામ શરૂ કરી રહ્યા છીએ. અમે ગયા વર્ષે લક્ષદ્વીપની મુલાકાત લીધી હતી.
આ પોસ્ટની સાથે ગયા વર્ષે લક્ષદ્વીપની ઇઝરાયલ ટીમની કેટલીક તસવીરો પણ શેર કરવામાં આવી હતી. પોસ્ટમાં વધુમાં કહેવામાં આવ્યું – જે લોકોએ અત્યાર સુધી લક્ષદ્વીપની સુંદરતા જોઈ નથી, તેઓએ આ કેટલીક તસવીરો ચોક્કસ જોવી જોઈએ.
માત્ર એક સંયોગ અથવા કંઈક
- ભારત અને માલદીવ વચ્ચેના સંબંધોમાં હાલના તણાવે રવિવાર, 7 જાન્યુઆરીએ વેગ મળ્યો હતો. તેનું કારણ ભારત અને વડાપ્રધાન મોદી વિશે સોશિયલ મીડિયા પર માલદીવના ત્રણ મંત્રીઓની ટિપ્પણીઓ હતી. ખરેખરમાં, મોદીએ ગયા અઠવાડિયે લક્ષદ્વીપની મુલાકાત લીધી હતી અને ત્યાંની સુંદરતા સાથે જોડાયેલા કેટલાક ફોટોગ્રાફ્સ શેર કર્યા હતા.
- માલદીવના મંત્રીઓએ આ અંગે જ ટિપ્પણી કરી હતી. આ સિવાય ભારત અને ઇઝરાયલના સંબંધોને લઈને પણ વિવાદીત ટીપ્પણી કરી હતી. ભારતમાં લોકો આ બાબતે ખુબ જ નારાજ થયા. 7 જાન્યુઆરીએ ભારતમાં હેશટેગ બોયકોટ માલદીવ ટ્રેન્ડ થયો હતો. ઘણી હસ્તીઓએ પણ સોશિયલ મીડિયા પોસ્ટ પર લક્ષદ્વીપને સુંદર ગણાવ્યું હતું અને લોકોને અહીં પર્યટનને પ્રોત્સાહન આપવા અપીલ કરી હતી.
- જો કે, જ્યારે આ વિવાદ કાબૂ બહાર થતો જણાતો હતો ત્યારે માલદીવ સરકારે ડેમેજ કંટ્રોલ માટે ત્રણ મંત્રીઓને સસ્પેન્ડ કરી દીધા હતા. તેમના નામ છે- માલશા શરીફ, મરિયમ શિઉના અને અબ્દુલ્લા મહજૂમ માજિદ.
- ઇઝરાયલે પણ સોમવારે આ મામલે અન્ટ્રી કરી હતી. મંગળવારે, તેણે લક્ષદ્વીપમાં સી- વોટર ડિસેલિનેશન પ્લાન્ટ (સમુદ્રના ખારા પાણીને પીવાલાયક બનાવવા) પર કામ શરૂ કરવાની જાહેરાત સોશિયલ મીડિયા પર કરી. એક રીતે, આ ભારત-ઇઝરાયલ તરફથી માલદીવને કરારો જવાબ હતો.
Load more
