Related Posts
Category : Sports
ભારત સામે 302 રનોથી હાર થતા શ્રીલંકા ક્રિકેટ બોર્ડ થયુ લાલઘૂમ
ગુરુવારે ભારત સામે 302 રનની શરમજનક હાર બાદ, શ્રીલંકા ક્રિકેટ (SLC) એ સમગ્ર કોચિંગ સ્ટાફ અને પસંદગીકારો પાસેથી તાત્કાલિક અને વિગતવાર ખુલાસો માંગ્યો છે. એશિયા કપ 2023ની ફાઇનલમાં માત્ર 50 રનમાં ઓલઆઉટ થયા બાદ, શ્રીલંકા ફરી એકવાર ગુરુવારે ભારત સામે 55 રનમાં ઓલઆઉટ થઇ ગયું. સાત મેચમાંથી માત્ર બે જીત સાથે, શ્રીલંકા પોઈન્ટ ટેબલમાં આઠમા ક્રમે છે અને તેની સેમીફાઈનલની આશા સમાપ્ત થઈ ગઈ છે.
બોર્ડ ચાલુ વર્લ્ડ કપ 2023 દરમિયાન શ્રીલંકાની રાષ્ટ્રીય ટીમના પ્રદર્શન પર ચિંતા અને નિરાશા વ્યક્ત કરી છે, એસએલસીએ એક નિવેદનમાં જણાવ્યું હતું કે ખાસ કરીને ભારત સામેની હાર ખૂબ જ નિરાશાજનક છે. વર્લ્ડ કપ 2023 એ એક પ્રતિષ્ઠિત ઇવેન્ટ છે અને શ્રીલંકાની રાષ્ટ્રીય ટીમનું પ્રદર્શન દેશ અને વિશ્વભરના ક્રિકેટ ચાહકો માટે ખૂબ જ ગર્વ ભેર રહ્યુ છે. જો કે, તાજેતરના પ્રદર્શન અને ચોંકાવનારી હારોએ ટીમ સામે પ્રશ્નો ઉભા કર્યા છે.
SLC એ જણાવ્યું હતું કે મેનેજમેન્ટે ધોરણો અને નિયમો અનુસાર તેમની ફરજો અને જવાબદારીઓ નિભાવવામાં રાખેલા વ્યાવસાયિક સ્ટાફ સાથે ક્યારેય દખલ કરી નથી. જો કે, SLC જવાબદારી, પારદર્શિતા અને વિષયની ચિંતાઓને ત્વરિત રીતે ઉકેલવાના મહત્વમાં દ્રઢપણે માને છે. સમગ્ર કોચિંગ સ્ટાફ પાસેથી સ્પષ્ટતા માટે બોલાવવાનો હેતુ ટીમના નિરાશાજનક પ્રદર્શન પાછળના કારણોને સમજવા અને સુધારણાના ક્ષેત્રોને ઓળખવાનો છે.
બોર્ડે આટલા મુદ્દા પર માંગ્યા છે ટીમ મેનેજમેન્ટ પાસેથી જવાબ
1.વ્યૂહરચના અને તૈયારી: મેચ દરમિયાન ટીમની વ્યૂહરચના, તૈયારી અને સાચા નિર્ણયો વિશે માહિતી આપવી.
2. ટીમ સિલેક્શન: દરેક મેચ માટે ખેલાડીઓની પસંદગીને યોગ્ય ઠેરવો અને પ્લેઇંગ-11માં થયેલા કોઈપણ ફેરફારો.
3. ખેલાડીનું પ્રદર્શન: વ્યક્તિગત અને ટીમના પ્રદર્શનનું મૂલ્યાંકન કરવું, શક્તિઓ અને નબળાઈઓને પ્રકાશિત કરવી અને કોઈપણ ઈજાઓ અથવા ફિટનેસ અંગેમાહિતી
4. મેચ પછીનું વિશ્લેષણ: કોચિંગ ટીમ દ્વારા હાથ ધરવામાં આવેલા મેચ પછીના વિશ્લેષણને શેર કરવું અને મુખ્ય તારણો જણાવવા.
Load more
