Related Posts
Category : Sports
Virat Kohli નો કેચ છોડી ઓસ્ટ્રલીયાએ મેચ છોડી, સૌથી મોટો ટર્નિંગ પોઈન્ટ હતો જુઓ વિડિયો
ચેન્નાઈમાં વર્લ્ડ કપ 2023ની પાંચમી મેચમાં ભારતે ઓસ્ટ્રેલિયાને 6 વિકેટે હરાવ્યું હતું. ટીમ ઈન્ડિયાની જીતમાં કેએલ રાહુલ અને વિરાટ કોહલીએ મહત્વની ભૂમિકા ભજવી હતી. કોહલીએ 85 રનની શાનદાર ઇનિંગ રમી હતી. જ્યારે રાહુલે અણનમ 97 રન બનાવ્યા હતા. ઓસ્ટ્રેલિયાના ખેલાડી મિશેલ માર્શે કોહલીનો એક કેચ છોડ્યો હતો. આ મેચનો સૌથી મોટો ટર્નિંગ પોઈન્ટ હતો. ઓસ્ટ્રેલિયાની હારમાં આ કેચ મહત્વનો હતો.
અસલમાં ઓસ્ટ્રેલિયાએ ભારતને જીતવા માટે 200 રનનો ટાર્ગેટ આપ્યો હતો. જેના જવાબમાં ટીમ ઈન્ડિયાની શરૂઆત ખૂબ જ ખરાબ રહી હતી. ભારતે માત્ર 2 રનના સ્કોર પર 3 વિકેટ ગુમાવી દીધી હતી. ઓપનર રોહિત શર્મા, ઈશાન કિશન અને શ્રેયસ અય્યર શૂન્ય પર આઉટ થયા હતા. આ પછી કોહલી અને રાહુલ બેટિંગ કરવા આવ્યા હતા. કોહલીએ 8મી ઓવરના ત્રીજા બોલ પર શોટ રમ્યો હતો. બોલ હવામાં ઉછળ્યો. આ જોઈને મિડ-વિકેટ પર ઊભેલો માર્શ બોલ તરફ દોડ્યો અને તેને પકડવાનો પ્રયાસ કર્યો. પરંતુ તે નિષ્ફળ ગયો અને કેચ ચૂકી ગયો.
કોહલીનો મિસ કેચ ઓસ્ટ્રેલિયા માટે મોંઘો સાબિત થયો હતો. કોહલી જ્યારે કેચ ચૂકી ગયો ત્યારે ટીમ ઈન્ડિયાનો સ્કોર 3 વિકેટના નુકસાન સાથે 20 રન હતો. જો કોહલી આઉટ થયો હોત તો ઓસ્ટ્રેલિયન ટીમ ભારત પર સંપૂર્ણપણે દબાણ બનાવી દેત. કેચ ચૂકી ગયા બાદ કોહલીએ રમતને આગળ વધારી અને કેએલ રાહુલ સાથે શાનદાર ભાગીદારી રમી. કોહલીએ 116 બોલનો સામનો કરીને 85 રન બનાવ્યા હતા. તેણે 6 ચોગ્ગા ફટકાર્યા હતા. જ્યારે રાહુલે અણનમ 97 રન બનાવ્યા હતા. 115 બોલનો સામનો કરીને તેણે 8 ફોર અને 2 સિક્સર ફટકારી હતી.
પ્રથમ બેટિંગ કરવા ઉતરેલી ઓસ્ટ્રેલિયન ટીમ 199 રનના સ્કોર પર સમેટાઈ ગઈ હતી. જવાબમાં ભારતે 4 વિકેટ ગુમાવીને 41.2 ઓવરમાં લક્ષ્યાંક હાંસલ કરી લીધો હતો.
નોંધ – જો વિડિયો Daily hunt App પર ન દેખાય તો અમારી વેબસાઇટ nationgujarat.com પર જઇ જોવો.
Load more
