Related Posts
Category : National
WhatsApp – આવી ગયુ આ મહત્વનું ફિચર ,
સોશિયલ મીડિયા એપ્લિકેશન WhatsApp વિશ્વભરમાં સૌથી વધુ ઉપયોગમાં લેવાતી મેસેજિંગ એપ્લિકેશન છે. લગભગ 2 અબજ લોકો આ પ્લેટફોર્મનો અલગ અલગ રીતે ઉપયોગ કરે છે. તેના વપરાશકર્તાઓની સુવિધા માટે, WhatsApp તેના પ્લેટફોર્મ પર સતત નવા અપડેટ્સ અને સુવિધાઓ ઉમેરે છે. હવે કંપનીએ એક નવું ફીચર સામેલ કર્યું છે જેના પછી Paytm, Google Pay અને Phone Payની સમસ્યાઓ વધવા જઈ રહી છે.
હાલમાં જ WhatsAppમાં એક અપડેટ આપવામાં આવ્યું છે, જેના પછી હવે ભારતીય યુઝર્સ આ પ્લેટફોર્મમાં પેમેન્ટ માટે વિવિધ પ્રકારના મોડનો ઉપયોગ કરી શકશે. યુઝર્સ હવે UPI એપની સાથે ડેબિટ કાર્ડ, ક્રેડિટ કાર્ડ અને નેટ બેન્કિંગનો ઉપયોગ કરીને WhatsAppમાં સરળ રીતે પેમેન્ટ કરી શકશે.
વોટ્સએપે તેના એક બ્લોગ પોસ્ટમાં જણાવ્યું છે કે અમે યુઝર્સ માટે એક એવો સરળ રસ્તો લાવવા જઈ રહ્યા છીએ જેના દ્વારા તમે ચેટિંગની સાથે સાથે ખરીદી પણ કરી શકશો અને ખૂબ જ સરળ રીતે પેમેન્ટ પણ કરી શકશો. કંપનીએ કહ્યું કે હવે ભારતીય યુઝર્સ તેમના ડેબિટ અને ક્રેડિટ કાર્ડ દ્વારા UPI દ્વારા પેમેન્ટ કરી શકશે.
વોટ્સએપે કહ્યું કે પેમેન્ટ સુવિધાને સરળ બનાવવા માટે અમે Razor-Pay અને PayU સાથે ભાગીદારી કરી છે અને કંપની આનાથી ઘણી ખુશ છે. કંપનીએ કહ્યું કે UPI એપમાં હવે Google Pay, PhonePe, Paytm અને ઘણું બધું સામેલ છે. તમને જણાવી દઈએ કે ભારતમાં લગભગ 50 કરોડ લોકો વોટ્સએપનો ઉપયોગ કરે છે, પરંતુ આ લોકોમાંથી માત્ર 100 મિલિયન યુઝર્સ જ WhatsApp પેમેન્ટનો ઉપયોગ કરે છે. કંપની વધુમાં વધુ લોકોને વોટ્સએપ પેમેન્ટ સાથે જોડવાની યોજના બનાવી રહી છે.
Load more
