Related Posts
Category : National
મંત્રી કિરેન રિજિજુના સરકારી નિવાસસ્થાને કાર અથડાઇ
દેશની રાજધાની દિલ્હીમાં કેન્દ્રીય પૃથ્વી અને વિજ્ઞાન મંત્રી કિરેન રિજિજુના સરકારી નિવાસસ્થાને એક કાર અથડાઈ છે. કાર અથડાયા બાદ ઘરની દિવાલને નુકસાન થયું છે. ઘટનાની જાણ થતાની સાથે જ પોલીસે કાર ચાલકને પકડીને તેની પૂછપરછ કરી હતી. જે બાદ તેને છોડવામાં આવ્યો હતો, ડ્રાઈવરની લાંબા સમય સુધી પૂછપરછ કરવામાં આવી હતી.
એક હાઇ સ્પીડ કાર દિલ્હીના કૃષ્ણ મેનન માર્ગ પર કેન્દ્રીય મંત્રી કિરેન રિજિજુના સરકારી આવાસ 9 ખાતેની દિવાલ સાથે અથડાઈ હતી અને દિવાલને નુકસાન થયું હતું. જે બાદ નિવાસસ્થાને હાજર સુરક્ષાકર્મીઓમાં ખળભળાટ મચી ગયો હતો. આ અંગેની માહિતી મળતાં પોલીસે કાર ચાલકને પકડીને તેની લાંબી પૂછપરછ કરી તેને છોડી મૂક્યો હતો. જણાવી દઈએ કે પોલીસે કેબ ડ્રાઈવરની ઓળખ હરિયાણાના નૂહ જિલ્લાના રહેવાસી રહીમ ખાન તરીકે કરી છે.
આ અકસ્માત એપ્રિલમાં પણ થયો હતો
તમને જણાવી દઈએ કે આ વર્ષે એપ્રિલ મહિનામાં કેન્દ્રીય મંત્રી કિરેન રિજિજુ જમ્મુ-કાશ્મીરમાં અકસ્માતનો શિકાર બન્યા હતા. આ દરમિયાન નેશનલ હાઈવે પર એક ટ્રક તેમની કાર સાથે અથડાઈ હતી. આ પછી તેની સાથે હાજર સુરક્ષાકર્મીઓએ તેને બીજા વાહનમાં મોકલી દીધો.
Load more
