Related Posts
Category : National
1 રૂપિયામાં 350 એકર? સૌરવ ગાંગુલીને મમતા સરકારથી મળેલી જમીનનો વિવાદ હાઈકોર્ટ પહોંચ્યો
ટીમ ઇન્ડિયાના પૂર્વ કેપ્ટન અને ક્રિકેટર સૌરભ ગાંગુલીને જમીન આપવાનો મામલો હાઈકોર્ટમાં પહોંચ્યો છે. જેમા પીઆઈએલમાં સીએમ મમતા બેનર્જીના નેતૃત્વવાળી સરકાર દ્વારા સૌરભ ગાંગુલીને 350 એકરની જમીન માત્ર રૂ. 1ની લીઝ પર આપી છે.
આ પીઆઈએલની સુનાવણી ચિટ ફંડ કેસ માટે રચાયેલી ડિવિઝન બેંચમાં થશે. પીઆઈએલ પર, ચીફ જસ્ટિસની ડિવિઝન બેન્ચે કહ્યું કે ચિટ ફંડ કેસની સુનાવણી જસ્ટિસ જૈમાલ્ય બાગચીની અધ્યક્ષતાવાળી ડિવિઝન બેંચ કરી રહી છે. આ જ ડિવિઝન બેન્ચ તેની સુનાવણી કરશે.
શું છે આખો મામલો?
સૌરવ ગાંગુલીને ફેક્ટરી બનાવવા માટે રૂ. 1માં 999 વર્ષ માટે જમીન લીઝ પર કેવી રીતે આપવામાં આવી? આ બાબતે કોલકાતા હાઈકોર્ટમાં એક જાહેર હિતની અરજી દાખલ કરવામાં આવી છે. પશ્ચિમ મેદિનીપુરમાં રૂ. 1 માં ફેક્ટરી માટે જમીન આપવા સામેની પીઆઈએલની સુનાવણી હવે કલકત્તા હાઈકોર્ટના જસ્ટિસ જૈમાલ્ય બાગચીની ડિવિઝન બેન્ચમાં થશે. પીઆઈએલમાં મમતા બેનર્જીની સરકાર દ્વારા જમીન આપવા અંગે પણ સવાલો ઉઠાવવામાં આવ્યા છે.
આ મામલાની સુનાવણી ચિટ ફંડ કેસ માટે રચાયેલી ડિવિઝન બેંચમાં થશે. ચીફ જસ્ટિસની ડિવિઝન બેન્ચે કહ્યું કે ચિટ ફંડ કેસની સુનાવણી જસ્ટિસ જૈમાલ્ય બાગચીની ડિવિઝન બેંચ દ્વારા કરવામાં આવી રહી છે. આથી તે આ જાહેર હિતની બાબતની પણ સુનાવણી કરશે.
પશ્ચિમ બંગાળ સરકારે પશ્ચિમ મેદિનીપુર જિલ્લાના ચંદ્રકોણામાં ફિલ્મ સિટી બનાવવા માટે પ્રયાગ ગ્રુપને 750 એકર જમીન આપી હતી. પ્રયાગ ગ્રૂપે રૂ. 2700 કરોડના રોકાણનું વચન આપ્યું હતું.
પરતું ત્યારબાદ ચિટ ફંડમાં કૌભાંડમાં પ્રયાગ ગ્રુપનું નામ સામે આવ્યું આથી કંપનીની બધી મિલકત જપ્ત કરવામાં આવી જેમાં આ જમીન પણ હતી.
સ્ટીલ ફેક્ટરી સ્થાપવા માટે જમીન આપવામાં આવી
શેખ મસૂદ નામના થાપણદારે કોર્ટમાં જાહેર હિતનો કેસ દાખલ કર્યો છે. તેમના વકીલ શુભાશીષ ચક્રવર્તીએ જણાવ્યું હતું કે રાજ્યએ પ્રયાગ જૂથની મિલકતો જપ્ત કરવી પડશે અને થાપણદારોને પૈસા પરત કરવા પડશે. તેવી જ રીતે ચંદ્રકોણાની જમીન પણ વેચવાની હતી અને ખાતેદારોના પૈસા પરત કરવાના હતા. પરંતુ સરકાર આવું કરી રહી નથી.
બીજી તરફ, સૌરવ ગાંગુલીએ ફેક્ટરી બનાવવા માટે તે જમીનનો મોટો હિસ્સો 999 વર્ષ માટે એક રૂપિયામાં લીઝ પર આપ્યો છે. તેમણે પ્રશ્ન કર્યો કે સરકાર તે જમીન કોઈને કેવી રીતે આપી શકે. તે જમીન થાપણદારોના પૈસાથી ખરીદવામાં આવી હતી અને તે થાપણદારોને પરત કરવાની જવાબદારી સરકારની છે.
Load more
