Related Posts
Category : Gujarat
સ્માર્ટ મીટરનો વિરોધ યથાવત, સુરતમાં રોષભેર 5 હજાર વાંધા અરજી DGVCLમા અપાઈ
સ્માર્ટ મીટરને લઈને સરકાર ફિક્સમાં મૂકાઈ ગઈ છે. બિલ વધારે આવતું હોવાની સાથે સાથે એડવાન્સ પેમેન્ટ કરવું પડતું હોવાથી લોકોમાં ભારે રોષ જોવા મળી રહ્યો છે. ત્યારે લોકોને કોંગ્રેસ અને આમ આદમી પાર્ટી દ્વારા સપોર્ટ કરવામાં આવી રહ્યો છે. કોંગ્રેસ દ્વારા સોસાયટીઓમાં જઈને વિરોધ કરવા માટે લોકો પાસેથી વાંધા અરજી લખાવવામાં આવી હતી. જેમાં પાંચ હજાર અરજીઓ એકઠી કરીને ડીજીવીસીએલમાં જમા કરાવવામાં આવી હતી.
પુણા વિસ્તારમાં વધતો વિરોધ
સ્માર્ટ મીટરનો વિરોધ યથાવત જોવા મળી રહ્યો છે. પુણા વિસ્તારમાં કોંગ્રેસ દ્વારા 5 હજાર જેટલા વાંધા અરજી લોકો પાસે લખાવવામાં આવી હતી. આ અરજીઓ કોંગ્રેસના નેજા હેઠળ ડીજીવીસીએલની વડી કચેરી કાપોદ્રા ખાતે સબમિટ કરાવવામાં આવી હતી. લોકોની સોસાયટીએ જઈને તેમને સ્માર્ટ મીટરના ગેરફાયદા જણાવીને વિરોધ કરવામાં આવ્યો હતો.
સ્માર્ટ મીટરનો બોયકોટ
સ્માર્ટ મિટર નહીં લગાવવા માટે અરજી આપવામાં આવી છે. કોંગ્રેસના દિનેશ સાવલિયાએ કહ્યું કે, લોકો ત્રાહીમામ પોકારી ગયા છે. ત્યારે અમે જિલ્લા કોંગ્રેસના તમામ લોકોએ વિરોધ કરવાનું નક્કી કર્યું અને તેમાં ગ્રાહક નંબર સહિતની અરજી કરીને પાંચ હજાર અરજીઓ પ્રથમ તબક્કાની લઈને વિરોધ કરાયો છે. આ જ રીતે સ્માર્ટ મીટરનો બાયકોટ યથાવત રહેશે.
Load more
