સીસીટીવીમાં અનેક ખુલાસા
જે બાદમાં સીસીટીવી ચેક કરતા બન્ને છોકરીઓ બાથરૂમ તરફ જતા દેખાઈ હતી. તથા પોતાની જાતે બાથરૂમ અંદરથી બંધ કરતા હોય તેવું ફૂટેજમાં દેખાઈ રહ્યું છે. જે બાદ બાથરૂમનો દરવાજો તોડતા બંને છોકરીઓ બાથરૂમમાંથી કોઈ અગમ્ય કારણોસર મરણ હાલતમાં મળી આવી હતી. બનાવવાળી જગ્યા પરથી ઇન્જેક્શન તથા દવાની ત્રણ બોટલો મળી આવી હતી. જેમાં પોલીસે અકસ્માત મોતનો ગુનો નોંધી આગળની તપાસ હાથ ધરી છે.
ઉધના સિટીઝન કોલેજમાં અભ્યાસ કરતી હતી. પરિવારના સભ્યો સતત ફોન કરી રહ્યા હતા પરંતુ મોબાઈલ પણ આ લોકો ઉપાડતા ન હતા. ઘટનાની જાણ થતા જ ડીંડોલી પોલીસની ટીમ ઘટનાસ્થળે પહોંચી ગઈ હતી. પોલીસે બંને યુવતીઓના મૃતદેહનો કબજો મેળવીને તેને પોસ્ટમોર્ટમ માટે હોસ્પિટલ ખસેડ્યા છે. આ મોત આકસ્મિક છે કે આત્મહત્યા કે અન્ય કોઈ કારણ, તે જાણવા માટે પોલીસે વધુ તપાસ હાથ ધરી છે.
