Related Posts
Category : National
મહારાષ્ટ્ર-ઝારખંડની ચૂંટણીની તારીખો આજે જાહેર થશે, બપોરે 3.30 વાગ્યે ચૂંટણીપંચની પત્રકાર પરિષદ
ચૂંટણી પંચે એક પત્ર જારી કરીને કહ્યું છે કે રાજધાની દિલ્હીના વિજ્ઞાન ભવનમાં બપોરે 3.30 વાગ્યે એક પ્રેસ કોન્ફરન્સ યોજાશે, જેમાં ચૂંટણીની તારીખ અને મત ગણતરીની તારીખની પણ જાહેરાત કરવામાં આવશે.
મહારાષ્ટ્ર વિધાનસભાની 288 બેઠકો માટે મતદાન
મહારાષ્ટ્રની વાત કરીએ તો અહીં વિધાનસભાના 288 સભ્યોને ચૂંટવા માટે મતદાન થવાનું છે. રાજ્યમાં છેલ્લી વિધાનસભા ચૂંટણીઓ ઓક્ટોબર 2019 માં યોજાઈ હતી, જેમાં ભારતીય જનતા પાર્ટીના નેતૃત્વ હેઠળના જોડાણ એનડીએને સરકાર બનાવવા માટે સ્પષ્ટ બહુમતી મળી હતી, પરંતુ આંતરિક વિખવાદને કારણે, શિવસેના ગઠબંધન (NDA) છોડીને રાષ્ટ્રવાદીમાં જોડાઈ હતી.
મહારાષ્ટ્રમાં રાજકીય સંકટ પછી NDA સાથે સંબધોમાં ઉદ્ધવ ઠાકરે ગ્રુપમાં ખટાશ
કોંગ્રેસ પાર્ટીએ સાથે મળીને નવું ગઠબંધન કર્યું. ભારતીય રાષ્ટ્રીય કોંગ્રેસ પણ MVA માં જોડાઈ અને અહીં રાજ્ય સરકારની રચના કરી, જેમાં ઉદ્ધવ ઠાકરે મુખ્ય પ્રધાન બન્યા. 2022માં મહારાષ્ટ્રમાં રાજકીય સંકટ પછી NDA સાથે સંબધોમાં ઉદ્ધવ ઠાકરે ગ્રુપમાં ખટાશ આવી હતી.
એકનાથ શિંદેએ 40 ધારાસભ્યો સાથે ભાજપ સાથે સરકાર બનાવી. એકનાથ શિંદે નવા મુખ્યમંત્રી બન્યા હતા. 2023ના રાજકીય સંકટ પછી રાષ્ટ્રવાદી કોંગ્રેસ પાર્ટીમાંથી અજિત પવાર જૂથ અલગ પડ્યું અને તેઓ વર્તમાન સરકારમાં જોડાયા.
મહારાષ્ટ્ર અને ઝારખંડ બંનેનું રાજકીય વાતાવરણ હાલ ગરમ
મહારાષ્ટ્ર અને ઝારખંડ બંનેનું રાજકીય વાતાવરણ હાલ ગરમ છે. રાજ્યો ઉપરાંત આ ચૂંટણીની અસર રાષ્ટ્રીય રાજનીતિ પર પણ થવાની છે. જો મહારાષ્ટ્રની વાત કરીએ તો હાલમાં એકનાથ શિંદેની શિવસેનાની આગેવાની હેઠળની સરકાર છે, જેમણે જૂની શિવસેના સામે બળવો કરીને ભાજપ સાથે હાથ મિલાવીને રાજ્યમાં સરકાર બનાવી હતી. આ સરકારમાં NCPનો અજિત જૂથ પણ સામેલ છે. આ ચૂંટણીમાં એ જોવાનું રસપ્રદ રહેશે કે શું મહારાષ્ટ્રના મતદારો વર્તમાન સરકારમાં વિશ્વાસ મૂકે છે કે પછી શિવસેના (ઉદ્ધવ જૂથ), એનસીપી (શરદ જૂથ) અને કોંગ્રેસને સરકાર બનાવવાની તક મળે છે.
ઝારખંડમાં 81 બેઠકો માટે મતદાન
81 સીટોવાળી ઝારખંડ વિધાનસભાનો કાર્યકાળ 5 જાન્યુઆરી, 2025 ના રોજ સમાપ્ત થશે. આ વખતે મહારાષ્ટ્રમાં એક તબક્કામાં જ્યારે ઝારખંડમાં 2 કે 3 તબક્કામાં મતદાન થવાની સંભાવના છે.
Load more
