નસીબ જોર નથી કરતું? તો દર મંગળવારે અપનાવો આ સરળ ઉપાય, મળશે રાહત

નસીબ જોર નથી કરતું? તો દર મંગળવારે અપનાવો આ સરળ ઉપાય, મળશે રાહત

હિન્દુ ધર્મમાં મંગળવાર સંકટ મોચન હનુમાનજીને સમર્પિત છે. મંગળવારના દિવસે કરવામાં આવતી પૂજા અને ઉપવાસથી ભગવાન પ્રસન્ન થાય છે અને જીવનના તમામ દુ:ખ, પીડા અને પરેશાનીઓ દૂર થાય છે. જ્યોતિષમાં પણ મંગળવારને પૂજા માટે ખૂબ જ શુભ માનવામાં આવે છે.

મંગળવારના દિવસે હનુમાનજીની પૂજા સાથે કેટલાક ઉપાય કરવાથી વ્યક્તિને સમસ્યાઓમાંથી મુક્તિ મળે છે અને તમામ કામમાં સફળતા મળે છે.

આ ખાસ ઉપાયોથી તમે પણ ભગવાન હનુમાનને પ્રસન્ન કરી શકો છો. જાણો મંગળવાર સંબંધિત ઉપાયો વિશે.

ઉપાયો

મંગળવારે સવારે સ્નાન કરીને હનુમાન મંદિરમાં જઈને ભગવાનની સામે ઘીનો દીવો પ્રગટાવો. હનુમાનજીને ચોલા ચઢાવો, માળા પહેરાવો અને લાડુ પણ ચઢાવો. આ પછી હનુમાન ચાલીસાનો પાઠ કરો. આ ઉપાય કરવાથી બજરંગબલી પ્રસન્ન થઈ જાય છે અને તમામ સમસ્યાઓ દૂર થશે.
આર્થિક સંકટમાંથી મુક્તિ મેળવવા માટે મંગળવારે વાનરોને ગોળ, ચણા, મગફળી અથવા કેળા ખવડાવો, જો આ વસ્તુઓ વાનરોને ખવડાવવી શક્ય ન હોય તો તમે આ વસ્તુઓ કોઈ ગરીબ અથવા જરૂરિયાતમંદ વ્યક્તિને દાન કરી શકો છો. 11 મંગળવાર સુધી આ ઉપાય કરવાથી આર્થિક સંકટ દૂર થાય છે.
જો ઘરમાં નાનું બાળક હોય અને તે ખૂબ રડે તો મંગળવારે બાળકના પલંગની નીચે નીલકંઠનું પીંછું મૂકી દેવું.
મંગળવારે રામ રક્ષા સ્તોત્રનો પાઠ કરો. આનાથી હનુમાનજીની કૃપાથી તમને જીવનની તમામ સમસ્યાઓમાંથી મુક્તિ મળશે.
હનુમાનજીને પ્રસન્ન કરવા માટે મંગળવારે સાંજે હનુમાનજીને કેવડાનું અત્તર અને ગુલાબની માળા ચઢાવો.
મંગળવારે જવના લોટમાં કાળા તલ અને તેલ મિક્સ કરીને રોટલી બનાવો. આ રોટલીને તેલ અને ગોળથી ભેળવીને કોઈ ખરાબ નજરવાળા વ્યક્તિ કે બાળક પર સાત વાર ફેરવી અને ભેંસને ખવડાવો. તેનાથી ખરાબ નજરની અસર તરત જ દૂર થઈ જાય છે.