થાઈલેન્ડે ભારતીયો માટે વિઝા ફ્રી પ્રવેશ રાખ્યો યથાવત, પણ આ એક કારણસર મૂકી દીધી નવી મર્યાદા !

થાઈલેન્ડે ભારતીયો માટે વિઝા ફ્રી પ્રવેશ રાખ્યો યથાવત, પણ આ એક કારણસર મૂકી દીધી નવી મર્યાદા !

ભારતીય પાસપોર્ટ ધારકો થાઇલેન્ડમાં વિઝા ફ્રીનો આનંદ માણતા રહેશે. જોકે એક ફેરફાર કરવામાં આવ્યો છે. ભારતીયો વિઝા વિના મહત્તમ 30 દિવસ સુધી મર્યાદિત રહેશે. થાઇ સરકારે આ નિર્ણય એક ચોક્કસ કારણોસર લીધો છે. ભારતીયો માટે વિઝા ફ્રી પ્રવેશ પર પ્રતિબંધ મૂકવાનો પ્રસ્તાવ રજૂ થયા પછી ભારતીય પ્રવાસીઓની સંખ્યામાં નોંધપાત્ર ઘટાડો થયો હતો. એ નોંધવું જોઈએ કે ભારત થાઇલેન્ડ માટે એક મુખ્ય પ્રવાસન સ્થળ છે અને મોટી સંખ્યામાં ભારતીયો થાઇલેન્ડની મુલાકાત લે છે.

આ નિર્ણય કેમ લેવામાં આવ્યો?

થાઇ કેબિનેટે મંગળવારે તેની સાપ્તાહિક બેઠકમાં ભારતીય પ્રવાસીઓ માટે 30 દિવસની વિઝા ફ્રી પ્રવેશને મંજૂરી આપી હતી. પર્યટન પ્રધાન સુરાસક પંચરોએનવોરાકુલે જણાવ્યું હતું કે આ પગલાનો હેતુ ભારતીય પ્રવાસીઓ માટે વસ્તુઓને સરળ બનાવવાનો છે અને દેશના પ્રવાસન ઉદ્યોગને પણ ટેકો આપશે. તેમણે કહ્યું કે આ જ કારણ છે કે કેબિનેટે ભારતીય પ્રવાસીઓ માટે 30 દિવસના વિઝા ફ્રી પ્રવેશને મંજૂરી આપી છે. જે થાઇલેન્ડ માટે એક મહત્વપૂર્ણ બજારનું પ્રતિનિધિત્વ કરે છે. પર્યટન મંત્રીએ એમ પણ કહ્યું કે જો આ પગલાથી ભવિષ્યમાં કોઈ સમસ્યા ઊભી થાય છે તો સરકાર તેની સમીક્ષા કરી શકે છે.

અગાઉની જોગવાઈ શું હતી?

ભારતીય પ્રવાસીઓને હાલમાં 60 દિવસ સુધી વિઝા વિના થાઇલેન્ડમાં રહેવાની મંજૂરી છે. જોકે, થાઇ કેબિનેટે વિઝા ફ્રી દેશોની યાદી 93થી ઘટાડીને 54 કરવા અને રોકાણનો સમયગાળો 30 દિવસ કરવાનો પ્રસ્તાવ મંજૂર કર્યા પછી આ નીતિ મે મહિનામાં સમાપ્ત થવાની હતી. જોકે આ પ્રસ્તાવ હજુ સુધી અમલમાં મૂકવામાં આવ્યું નથી. પર્યટન મંત્રીના મતે, આ જાહેરાતથી ભારતીય પ્રવાસીઓમાં મૂંઝવણ ઊભી થઈ અને થાઇલેન્ડના મુલાકાતીઓની સંખ્યામાં નોંધપાત્ર ઘટાડો થયો. ચીન અને મલેશિયા પછી ભારત આ વર્ષે થાઇલેન્ડનો ત્રીજો સૌથી મોટો પ્રવાસી દેશ બન્યો છે.

અન્ય દેશોને પણ રાહત

ભારત ઉપરાંત, થાઈલેન્ડે, ક્રોએશિયા, બલ્ગેરિયા, સાયપ્રસ, માલ્ટા અને માલદીવના નાગરિકોને પણ 30 દિવસની વિઝા ફ્રી એન્ટ્રીની મંજૂરી આપી છે. ડેપ્યુટી સરકારના પ્રવક્તા પ્લોયટાલે લક્સમીસાંગચાને જણાવ્યું કે આ નવા નિર્ણય બાદ 30 દિવસની વિઝા ફ્રી એન્ટ્રી માટે પાત્ર દેશોની સંખ્યા વધીને 60 થઈ ગઈ છે. તેમાં યુરોપિયન યુનિયનના તમામ 27 સભ્ય દેશોનો પણ સમાવેશ થાય છે. તેમણે વધુમાં જણાવ્યું કે આ સુધારેલી નીતિ થાઈ પાસપોર્ટ ધારકોને ભવિષ્યમાં શેન્ગેન વિઝા છૂટ મેળવવાના થાઈલેન્ડના પ્રયાસોને પણ મજબૂત બનાવી શકે છે.

વિઝા નીતિમાં ફેરફાર કેમ કરવામાં આવી રહ્યો છે?

વડાપ્રધાન અનુતિન ચાર્નવિરાકુલની (Anutin Charnvirakul) સરકાર ગેરકાયદેસર પ્રવૃત્તિઓ માટે થાઈલેન્ડની વિઝા ફ્રી સિસ્ટમનો દુરુપયોગ કરવાના આરોપ હેઠળ વિદેશી દેશોની તપાસ કડક બનાવવા માંગે છે ત્યારે વિઝા નીતિમાં ફેરફાર કરવામાં આવ્યા છે. સરકાર સ્થાનિક વ્યવસાયોની ચિંતાઓનો પણ જવાબ આપી રહી છે. ખાસ કરીને પર્યટન સ્થળોમાં. પર્યટન થાઈલેન્ડ માટે એક મુખ્ય આર્થિક સ્ત્રોત છે. ગયા વર્ષે 33 મિલિયન વિદેશી પ્રવાસીઓ પાસેથી થાઈલેન્ડે આશરે 50 અબજ અમેરિકી ડોલરની આવક થઈ હતી. જ્યારે આ વર્ષે 4 જુલાઈ સુધીમાં 1.6 કરોડથી વધુ આંતરરાષ્ટ્રીય પ્રવાસીઓ થાઈલેન્ડની મુલાકાત લઈ ચૂક્યા છે.