થલાપતિ વિજયની છેલ્લી ફિલ્મનું ભવિષ્ય આજે નક્કી થશે

થલાપતિ વિજયની છેલ્લી ફિલ્મનું ભવિષ્ય આજે નક્કી થશે

સાઉથ સુપરસ્ટાર થલાપતિ વિજયની મોસ્ટ-અવેટેડ ફિલ્મ ‘જન નાયકન’ને લઈને સેન્સર સંબંધિત વિવાદ હજુ સુધી સમાપ્ત થયો નથી. ફિલ્મને સર્ટિફિકેટ આપતા પહેલા સેન્ટ્રલ બોર્ડ ઓફ ફિલ્મ સર્ટિફિકેશનની રિવાઇઝિંગ કમિટી આજે ફરી એકવાર ફિલ્મનું સ્ક્રીનિંગ કરવાની છે.

‘ઇન્ડિયા ટુડે’ના રિપોર્ટ અનુસાર, 17 માર્ચે કમિટી ફિલ્મ જોશે અને ત્યારબાદ સર્ટિફિકેટ અંગે નિર્ણય લઈ શકાય છે. અગાઉ આ સ્ક્રીનિંગ 9 માર્ચે નક્કી કરવામાં આવ્યું હતું, પરંતુ કમિટીના એક સભ્ય બીમાર પડવાને કારણે તેને મુલતવી રાખવામાં આવ્યું હતું.

હવે નવી તારીખ નક્કી કરવામાં આવી છે અને પ્રોડક્શન હાઉસને તેની જાણકારી આપી દેવામાં આવી છે. આ સ્ક્રીનિંગ પછી કમિટી નક્કી કરશે કે ફિલ્મને સર્ટિફિકેટ આપવામાં આવે કે તેમાં કેટલાક ફેરફારો કરવામાં આવે.

ફિલ્મની સતત ટળી રહેલી રિલીઝથી ચાહકોમાં નારાજગી

‘જના નાયકન’ છેલ્લા ઘણા મહિનાઓથી સેન્સર પ્રક્રિયામાં ફસાયેલી છે. ફિલ્મને પહેલા એક્ઝામિનિંગ કમિટી સમક્ષ રજૂ કરવામાં આવી હતી. ત્યાં કેટલીક વાંધાઓ પછી તેને રિવાઇઝિંગ કમિટી પાસે મોકલવામાં આવી હતી. આ જ કારણોસર ફિલ્મની રિલીઝ સતત ટળતી રહી અને ચાહકોને લાંબા સમયથી રાહ જોવી પડી રહી છે.

ફિલ્મનું ડિરેક્શન એચ. વિનોથ દ્વારા કરવામાં આવ્યું છે. આ એક મોટા બજેટની એક્શન-ડ્રામા ફિલ્મ માનવામાં આવી રહી છે અને ઇન્ડસ્ટ્રીમાં તેને વિજયના કરિયરની મહત્વપૂર્ણ ફિલ્મોમાંની એક ગણાવવામાં આવી રહી છે.

હવે બધાની નજર આજે યોજાનારી રિવાઇઝિંગ કમિટીની સ્ક્રીનિંગ પર છે. આ પછી જ ફિલ્મના રિલીઝને લઈને સ્થિતિ સ્પષ્ટ થઈ શકે છે.

ખરેખર, ફિલ્મ પહેલા 9 જાન્યુઆરી 2026ના રોજ સિનેમાઘરોમાં રિલીઝ થવાની હતી, પરંતુ સેન્સર સર્ટિફિકેટ સમયસર ન મળવાને કારણે તેની રિલીઝ મોકૂફ રાખવી પડી. આ પછી મામલો કોર્ટ સુધી પહોંચી ગયો હતો અને મેકર્સે સર્ટિફિકેશનને લઈને કાનૂની લડાઈ પણ લડી હતી.