હૈદરાબાદ: છેલ્લા ઘણા વર્ષોથી, લોકો ચા, કોફી અને અન્ય ગરમ પીણાં લેવા માટે કાગળના કપ અથવા ડિસ્પોજેબલ કપનો સતત ઉપયોગ કરી રહ્યા છે. દરરોજ તમે બજારમાં ચાની દુકાનો પર આ કપમાં સેંકડો લોકોને ચા પીતા જોશો. જો તમે પણ પેપર કપમાં ચા પીતા હોવ તો સાવધાન થઈ જાવ કારણ કે તેનાથી કેન્સરનું જોખમ ધીમે ધીમે વધી જાય છે. ઘણા અભ્યાસમાં જાણવા મળ્યું છે કે, પેપર કપમાં પ્લાસ્ટિકના કણો પણ હોય છે જે સ્વાસ્થ્ય માટે અત્યંત હાનિકારક છે.
પેપર કપમાં ઝીણું પ્લાસ્ટિક હોય છે: કેન્સર નિષ્ણાત ડૉ. દીપેન્દ્ર સલ્લામે જણાવ્યું હતું કે, “ઘણા લોકો પેપર કપમાં ચા પીવી સલામત માને છે, જ્યારે પેપર કપમાં ઝીણું પ્લાસ્ટિક હોય છે. જ્યારે આ કપમાં ગરમ ચા નાખવામાં આવે છે, ત્યારે પ્લાસ્ટિક પીગળી જાય છે.” કપમાં લગભગ 25,000 માઈક્રો પ્લાસ્ટિક કણો હોય છે જે ચા પીનારાના પેટમાં જાય છે, તો એક લાખ માઈક્રો પ્લાસ્ટિકના કણો શરીરમાં પહોંચી જાય છે, જેના કારણે કેન્સરનો ખતરો વધી જાય છે.
