Related Posts
Category : Gujarat
જાણો કેમ DCP નકુમની તાત્કાલિક બદલી કરવા ગુજરાત હાઇકોર્ટે આદેશ આપવો પડયો
સુરત શહેરમાં ઝડપાયેલા આરોપીઓને રસ્તા પર દોરડાથી બાંધીને ફેરવવા, જાહેરમાં લાકડીઓ અને લાફા મારી સરઘસ કાઢવાના બહુચર્ચિત કેસમાં ગુજરાત હાઈકોર્ટે અત્યંત સખત રૂખ અપનાવ્યો છે. ગુજરાત હાઈકોર્ટે સુઓમોટો કાયદાકીય કાર્યવાહી દરમિયાન સ્પષ્ટ નિર્દેશ આપ્યો છે કે SOG DCP રાજદીપસિંહ નકુમ જેવા ઉચ્ચ અધિકારી તે જ હોદ્દા પર રહેશે તો નિષ્પક્ષ તપાસ શક્ય નથી, તેથી તેમની તાત્કાલિક અસરથી ટ્રાન્સફર કરવામાં આવે.
સુઓમોટો અરજી પર ગુજરાત હાઈકોર્ટમાં મહત્વપૂર્ણ સુનાવણી
તાજેતરમાં સુરતમાં આરોપીઓ પર પોલીસ દ્વારા કરવામાં આવેલા જાહેર અત્યાચારનો વીડિયો વાયરલ થયા બાદ હાઈકોર્ટે સુઓમોટો લઈને કેસ દાખલ કર્યો હતો. 14 ઓગસ્ટના રોજ હાથ ધરાયેલી સુનાવણી દરમિયાન નામદાર હાઈકોર્ટે ઘટનાની ગંભીરતા નોંધતા પોલીસ તંત્રની કાર્યશૈલી સામે ગંભીર સવાલો ઉઠાવ્યા હતા. 14 જુલાઈ અને 15 જુલાઈના રોજ ગાંધીનગર ડાયરેક્ટર જનરલ (DGP) કચેરીથી સુરત એડિશનલ કમિશનર કચેરીને મોકલવામાં આવેલી અરજી અને સૂચનાઓનો સુનાવણી દરમિયાન ઉલ્લેખ કરવામાં આવ્યો હતો.
Load more
