ઇરાકમાં અમેરિકી મિલિટરી પ્લેન ક્રેશ:શિયા વિદ્રોહી જૂથે તોડી પાડવાની જવાબદારી લીધી;

ઇરાકમાં અમેરિકી મિલિટરી પ્લેન ક્રેશ:શિયા વિદ્રોહી જૂથે તોડી પાડવાની જવાબદારી લીધી;

મિડલ-ઈસ્ટમાં ચાલી રહેલા તણાવ વચ્ચે ઈરાનના નવા સુપ્રીમ લીડર મુજતબા ખામેની કોમામાં હોવાનો દાવો કરવામાં આવી રહ્યો છે. મુજતબા 28 ફેબ્રુઆરીએ ઈઝરાયલ-અમેરિકાની એર સ્ટ્રાઈકમાં ગંભીર રીતે ઘાયલ થયા હતા.

બ્રિટિશ મીડિયા ‘ધ સન’ના રિપોર્ટ મુજબ, આ હુમલામાં મુજતબાને એટલી ગંભીર ઈજાઓ થઈ હતી કે તેમનો એક પગ કાપવો પડ્યો હતો અને પેટ-લિવરને પણ નુકસાન પહોંચ્યું છે. આથી તેઓ કોમામાં છે.

મુજતબાએ પોતાના પિતા અને ઈરાનના પૂર્વ સુપ્રીમ લીડર અલી ખામેનીના અવસાન બાદ 9 માર્ચે સુપ્રીમ લીડરનું પદ સંભાળ્યું હતું. તેમની સ્થિતિ અંગે હજુ સુધી ઈરાન સરકાર તરફથી કોઈ સત્તાવાર માહિતી સામે આવી નથી.

બીજી તરફ, પ્રધાનમંત્રી નરેન્દ્ર મોદીએ ઈરાનના રાષ્ટ્રપતિ ડૉ. મસૂદ પજશકિયાન સાથે ફોન પર વાત કરી છે. આ દરમિયાન પીએમએ મિડલ-ઈસ્ટની સ્થિતિ પર ચર્ચા કરી. મોદીએ ક્ષેત્રમાં વધતા તણાવ, નાગરિકોના મોત અને સિવિલ ઈન્ફ્રાસ્ટ્રક્ચરને થયેલા નુકસાન પર ઊંડી ચિંતા વ્યક્ત કરી.

ઇરાકમાં ફ્રેન્ચ સૈનિકના મોત

ઇરાકના એર્બિલ વિસ્તારમાં થયેલા એક હુમલામાં ફ્રાન્સનો એક સૈનિક માર્યો ગયો અને અન્ય ઘણા સૈનિકો ઘાયલ થયા. આ માહિતી ફ્રાન્સના રાષ્ટ્રપતિ ઇમેન્યુઅલ મેક્રોને આપી છે.

મેક્રોને સોશિયલ મીડિયા પર કહ્યું કે હુમલામાં ફ્રેન્ચ સેનાના એક ચીફ વોરંટ ઓફિસરનું મૃત્યુ થયું છે, જ્યારે અન્ય ઘણા સૈનિકો ઘાયલ થયા છે.

ફ્રાન્સના રાષ્ટ્રપતિ અનુસાર, ફ્રેન્ચ સૈનિકો ઇરાકમાં ISIS સામે લડાઈના મિશન હેઠળ તૈનાત છે. તેમણે એમ પણ કહ્યું કે ઈરાનમાં ચાલી રહેલું યુદ્ધ કોઈપણ રીતે આવા હુમલાઓને યોગ્ય ઠેરવી શકે નહીં.

અમેરિકાએ કહ્યું- ઈરાનમાં લગભગ 6 હજાર ઠેકાણાઓને નિશાન બનાવ્યા

અમેરિકી સેન્ટ્રલ કમાન્ડ (CENTCOM) એ જણાવ્યું છે કે અમેરિકા અને ઇઝરાયલે અત્યાર સુધીમાં ઇરાનમાં લગભગ 6,000 ઠેકાણાઓને નિશાન બનાવ્યા છે.

CENTCOM મુજબ આ હુમલાઓમાં 90 થી વધુ ઈરાની જહાજોને નુકસાન થયું છે અથવા તેમને નષ્ટ કરી દેવામાં આવ્યા છે. આમાંથી 60 થી વધુ જહાજો સંપૂર્ણપણે તબાહ થઈ ચૂક્યા છે.

આ ઉપરાંત ઓપરેશન શરૂ થયા પછીથી 30 થી વધુ માઇન બિછાવનારા જહાજોને પણ નિશાન બનાવવામાં આવ્યા છે.