અનંત-રાધિકા ના લગ્નની તારીખ કઇ છે જાણો

અનંત-રાધિકા ના લગ્નની તારીખ કઇ છે જાણો

મુકેશ અંબાણીના નાના પુત્ર અનંત અંબાણી અને રાધિકા મર્ચન્ટના લગ્ન 12 જુલાઈના રોજ થશે. લગ્નના તમામ ફંક્શન મુંબઈના Jio વર્લ્ડ સેન્ટરમાં યોજાશે. 12 જુલાઈ, શુક્રવારના રોજ શુભ લગ્ન સમારોહ સાથે મુખ્ય લગ્નના ફંક્શન શરૂ થશે. 13 જુલાઈ શનિવાર શુભ આશિર્વાદનો દિવસ રહેશે. 14 જુલાઈ, રવિવારના રોજ મંગલ ઉત્સવ અથવા લગ્નનું રિસેપ્શન હશે.

અગાઉ એવું કહેવામાં આવતું હતું કે અનંત-રાધિકાના લગ્ન લંડનની લક્ઝરી હોટેલ સ્ટોક પાર્કમાં થશે. જો કે, દિવ્ય ભાસ્કરે પહેલેથી જ પુષ્ટિ કરી હતી કે લગ્ન બીજે ક્યાંય નહીં પરંતુ અંબાણીના જિયો વર્લ્ડ સેન્ટરમાં થશે.અહીં એક બોલરૂમ છે, જેમાં એક સાથે 3000 લોકો હાજર રહી શકે છે. આ બોલરૂમ Jio વર્લ્ડ સેન્ટરના ત્રીજા માળે છે. આ ત્રીજો માળ 32,280 ચોરસ ફૂટમાં ફેલાયેલો છે.

સાંસ્કૃતિક કેન્દ્ર 5 ભાગોમાં વહેંચાયેલું છે
NMACCને વિશ્વ કક્ષાના ઈન્ફ્રાસ્ટ્રક્ચર સાથે ડિઝાઇન કરવામાં આવ્યું છે, જે 5 અલગ-અલગ ભાગોમાં વહેંચાયેલું છે. અહીં ધ ગ્રાન્ડ થિયેટર, ધ સ્ટુડિયો થિયેટર, ધ ક્યુબ, આર્ટ હાઉસ અને ધીરુભાઈ અંબાણી સ્ક્વેર છે.

કયા ભાગનો ઉપયોગ કેવી રીતે થશે?

ગ્રાન્ડ થિયેટર ગ્રાન્ડ થિયેટર એ એક પ્રકારનું ભવ્ય ઓડિટોરિયમ છે, જેમાં સાંસ્કૃતિક કાર્યક્રમો માટે સ્ટેજ અને 2000 સીટની વ્યવસ્થા કરવામાં આવી છે. આ ભવ્ય થિયેટર ગોલ્ડન અને રેડ થીમ પર તૈયાર કરવામાં આવ્યું છે, જ્યાં બેસવા માટે ફ્લોર સીટિંગ સિવાય બે મોટી બાલ્કનીઓ છે. આ જગ્યાને ભવ્ય બનાવવા માટે 8500થી વધુ સ્વારોવસ્કી ક્રિસ્ટલનો ઉપયોગ કરવામાં આવ્યો છે. અહીં 18 ડાયમંડ બોક્સ પણ બનાવવામાં આવ્યાં છે.સ્ટુડિયો થિયેટર આ એક મિની ઓડિટોરિયમ જેવું છે જ્યાં 250 મહેમાનો એકસાથે આવી શકે છે. આ થિયેટર ખાસ કરીને નાના સાંસ્કૃતિક કાર્યક્રમો માટે તૈયાર કરવામાં આવ્યું છે, જેમાં એક મિની સ્ટેજ પણ બનાવવામાં આવ્યું છે. ડાન્સ, મ્યુઝિક, પ્લે અને ઇવેન્ટ્સ અહીં ઓછી લાઇટિંગ સાથે થઈ શકે છે.
ધ ક્યુબ આ ક્યુબ આકારની ઇન્ટિમેટ જગ્યા છે, જ્યાં 125 મહેમાનો માટે બેઠક વ્યવસ્થા છે. તે ખાસ કરીને વર્કશોપ અને સેમિનાર માટે જ બનાવવામાં આવી છે. આ જગ્યાની ત્રણ બાજુએ બેઠક છે, જ્યાં કોઈપણ પ્રકારનું સ્ટેજ નથી.આર્ટ હાઉસ આર્ટ હાઉસનો વિસ્તાર ચાર માળ અને 16,000 ચોરસ ફૂટનો છે, જેમાં રાષ્ટ્રીય અને વૈશ્વિક સ્તરની વિઝ્યુઅલ આર્ટનું પ્રદર્શન કરી શકાય છે. આ સ્થળને કળા સંબંધિત પ્રદર્શન માટે ખાસ તૈયાર કરવામાં આવ્યું છે.

ધીરુભાઈ અંબાણી સ્પેસ આ કલ્ચરલ સેન્ટરનો બહારનો વિસ્તાર છે, જ્યાં એક વિશાળ ફુવારો તૈયાર કરવામાં આવ્યો છે. આ ફાઉન્ટેનને આગ, પાણી, સંગીત, લાઇટની થીમ પર ડિઝાઇન કરવામાં આવ્યો છે, જે મુલાકાતીઓને અવિસ્મરણીય અનુભવ આપે છે. તેને ‘ફાઉન્ટેન ઓફ જોય’ નામ આપવામાં આવ્યું છે. આ ફાઉન્ટેનમાં 392 નોઝલ, 664 એલઇડી લાઇટ, 8 ફાયર શૂટર્સ અને વોટર જેટથી સજ્જ છે જે 45 ફૂટ સુધી જાય છે.

અનંત-રાધિકાનું પ્રથમ પ્રી-વેડિંગ સેલિબ્રેશન જામનગરમાં થયું હતું
અગાઉ, અનંત-રાધિકાના પ્રી-વેડિંગ ફંક્શન ગુજરાતના જામનગરમાં યોજાયા હતા. આ ફંક્શન ત્રણ દિવસ (1 માર્ચથી 3 માર્ચ) સુધી ચાલ્યા. રિપોર્ટ્સ અનુસાર આ પ્રી-વેડિંગ ફંક્શનમાં 1200 કરોડ રૂપિયાનો ખર્ચ કરવામાં આવ્યો હતો. અનંતને જામનગર પ્રત્યે ખાસ લગાવ છે, તેથી આ ફંક્શન્સ ત્યાં સ્થિત રિલાયન્સ ટાઉનશીપમાં યોજાયા હતા, જેમાં ઇન્ટરનેશનલ સ્ટાર્સ રિહાન્ના અને એકોન પણ પરફોર્મ કરે છે. બિઝનેસ, રાજનીતિ અને બોલિવૂડની દુનિયાના લગભગ તમામ મોટા લોકો અહીં એકઠા થયા હતા. અંબાણી પરિવારે સ્થાનિક લોકો માટે ભોજન સમારંભનું પણ આયોજન કર્યું હતું. જેમાં લગભગ 51 હજાર લોકોને ભોજન કરાવવામાં આવ્યું હતું. તેને અન્ના સેવા નામ આપવામાં આવ્યું.

આનંદ-રાધિકાની સગાઈ 2023માં થઈ હતી
અનંત અને રાધિકાએ વર્ષ 2023માં સગાઈ કરી હતી. આ સગાઈમાં બોલિવૂડની તમામ હસ્તીઓએ ભાગ લીધો હતો.

રાધિકા- અનંત બાળપણથી એકબીજાને ઓળખે
રાધિકા અને અનંત બાળપણથી એકબીજાને ઓળખે છે. અનંતે USAની બ્રાઉન યુનિવર્સિટીમાંથી અભ્યાસ પૂર્ણ કર્યો અને ત્યારથી તેણે જિયો પ્લેટફોર્મ અને રિલાયન્સ રિટેલ વેન્ચર્સના બોર્ડમાં સભ્ય તરીકે કામ કર્યું. તે હાલમાં RILના એનર્જી બિઝનેસનું નેતૃત્વ કરે છે.