Related Posts
Category : National
દેશના મોટા વકિલોએ અદાણી મામલે સંભાળ્યો મોરચો – કહ્યુ કે અમેરિકાની તપાસમાં ગૌતમ અદાણીનુ નામ નથી
ભારતીય બીઝનેસ મેન ગૌતમ અદાણી અને તેમની કંપની પર લાગેલા આરોપો પર અદાણી ગ્રુપની કંપની અદાણી ગ્રીન એનર્જી તરફથી મોટું નિવેદન આવ્યું છે. કહેવામાં આવ્યું છે કે લાંચના આરોપો સાથે જોડાયેલા સમાચાર પાયાવિહોણા અને ખોટા છે. US ભ્રષ્ટાચાર અધિનિયમ (FCPA) અને ગૌતમ અદાણી, તેમના ભત્રીજા સાગર અદાણી અથવા વિનીત જૈન પર US DOJ આરોપ અથવા US SEC સિવિલ ફરિયાદમાં આરોપો દાખલ કરવામાં આવ્યા હોવાના અહેવાલોમાં કોઈ સત્ય નથી આ મામલામાં હવે દેશના સૌથી મોટા વકીલોમાંથી એક અને પૂર્વ એટર્ની જનરલ મુકુલ રોહતગીએ પ્રેસ કોન્ફરન્સ કરીને કહ્યું છે કે અમેરિકન તપાસમાં ગૌતમ અદાણીને ચાર્જશીટમાં આરોપી બનાવવામાં આવ્યા નથી.
અદાણી ગ્રીન દ્વારા બુધવારે તેના સ્ટોક એક્સચેન્જ ફાઇલિંગમાં પણ આ માહિતી આપવામાં આવી છે. તેમાં કહેવામાં આવ્યું છે કે યુએસ જસ્ટિસ ડિપાર્ટમેન્ટના આરોપમાં માત્ર એઝ્યુર અને CDPQ અધિકારીઓ પર લાંચ લેવાનો આરોપ છે, ગૌતમ અદાણી, સાગર અદાણી અથવા વિનીત જૈન પર નહીં, અને અદાણી ગ્રૂપ કંપનીના અધિકારીઓ પર લાંચ કે ભ્રષ્ટાચારનો આરોપ લગાવવામાં આવ્યો નથી.
તમને જણાવી દઈએ કે, ન્યૂયોર્કની ફેડરલ કોર્ટમાં સુનાવણી દરમિયાન ગૌતમ અદાણીની કંપની પર યુએસમાં રોકાણકારોને છેતરવાનો અને સોલર એનર્જી કોન્ટ્રાક્ટ મેળવવા માટે ભારતીય અધિકારીઓને મોટી લાંચ આપવાનો આરોપ લગાવવામાં આવ્યો છે. આરોપ છે કે 2020 થી 2024 ની વચ્ચે, અદાણી ગ્રીન અને એઝ્યુર પાવર ગ્લોબલને આ સોલાર પ્રોજેક્ટ મેળવવા માટે ખોટા માર્ગ દ્વારા ભારતીય અધિકારીઓને 265 મિલિયન ડોલર (લગભગ રૂ. 2236 કરોડ)ની લાંચ આપવામાં આવી હતી.
એટલું જ નહીં લાંચનો મામલો અમેરિકન કંપની એટલે કે એઝ્યુર પાવર ગ્લોબલથી છુપાવવામાં આવ્યો હતો. આ કોન્ટ્રાક્ટ દ્વારા 20 વર્ષમાં બે અબજ ડોલરથી વધુનો નફો થવાનો અંદાજ હતો અને તેનો લાભ લેવા માટે ખોટા દાવા કરીને લોન અને બોન્ડ ઉભા કરવામાં આવ્યા હતા. જો કે, આ આરોપો પછી તરત જ નિવેદન જારી કરીને, અદાણી જૂથે અમેરિકન તપાસ એજન્સીના આરોપોને સંપૂર્ણપણે ફગાવી દીધા હતા અને કહ્યું હતું કે આરોપો પાયાવિહોણા છે, જૂથ દરેક નિર્ણય કાયદાના દાયરામાં રહે છે.
આ મામલાને લઈને બુધવારે પૂર્વ એટર્ની જનરલ અને વરિષ્ઠ વકીલ મુકુલ રોહતગીએ પ્રેસ કોન્ફરન્સ કરી અને કહ્યું કે હું અદાણી ગ્રુપના પ્રવક્તા તરીકે નથી બોલી રહ્યો, પરંતુ આ સમગ્ર આરોપમાં 5 આરોપો અથવા કલમો સામેલ છે, જેમાંથી કલમ 1. અને 5. સૌથી મહત્વપૂર્ણ છે અને બંનેમાં, ગૌતમ અદાણી અને તેમના ભત્રીજા સાગર અદાણી પર આરોપ મૂકવામાં આવ્યો નથી.
વરિષ્ઠ વકીલ મુકુલ રોહતગીના જણાવ્યા અનુસાર, ચાર્જશીટમાં સ્પષ્ટપણે જણાવવું પડશે કે વ્યક્તિએ આવું કૃત્ય કર્યું છે. અદાણી વતી ભારતીય સંસ્થાઓને લાંચ આપવામાં આવી હોવાના આક્ષેપો કરવામાં આવ્યા છે, પરંતુ ચાર્જશીટમાં એક પણ નામ દેખાતું નથી કે લાંચ કેવી રીતે આપવામાં આવી, તે કયા વિભાગથી સંબંધિત છે તે દર્શાવવામાં આવ્યું નથી.તેમણે કહ્યું કે મને ખાતરી છે કે ગૌતમ અદાણી અને તેમની કંપની આ અંગે અમેરિકન વકીલો પાસેથી કાયદાકીય સલાહ લેશે.
Load more
