અમદાવાદ મ્યુનિસિપલ કોર્પોરેશનની આ અગાઉની ચૂંટણી વર્ષ 2021માં કોરોનાના બીજા ઘાતક તબક્કાના થોડા મહિનાઓ પછી યોજાઈ હતી. એ સમયે રાજ્યની મહાનગરપાલિકાઓમાં સૌથી ઓછું 37.8 ટકા મતદાન અમદાવાદ મહાનગરપાલિકાનું રહ્યું હતું. સુરત અને વડોદરામાં 42.1, રાજકોટ 43.7, ભાવનગરમાં 42.8 અને સૌથી વધુ જામનગર મહાપાલિકામાં 45.4 ટકા મતદાન થયું હતું.
અમદાવાદમાં વર્ષ 2021ના કંગાળ મતદાનના કારણે પોલીસ અને ચૂંટણી કામગીરી સાથે સંકળાયેલા કર્મચારીઓ માટે દિવસ પસાર કરવો કઠિન થયો હતો. વર્ષ 2021ની સરખામણીએ આ વખતે ગરમી છતાં મતદાનનો આંક વધશે તેવી ધારણા વ્યક્ત થઈ રહી છે.
