k.L.Rahul – અફઘાનિસ્તાન સિરિઝમાં કેમ ન મળી જગ્યા? શું હોઇ શકે કારણ

By: nationgujarat
08 Jan, 2024

ભારતીય ક્રિકેટ કંટ્રોલ બોર્ડ, એટલે કે BCCI એ રવિવારે અફઘાનિસ્તાન સામે રમાનારી ત્રણ મેચની T20 આંતરરાષ્ટ્રીય શ્રેણી માટે ભારતીય ટીમની જાહેરાત કરી. આ રીતે છેલ્લા એક સપ્તાહથી ચાલી રહેલી રાહ જોવાની રમતનો અંત આવ્યો કે કોને તક મળશે અને કોને નહીં? રોહિત શર્મા અને વિરાટ કોહલી T20 ટીમમાં પરત ફર્યા છે, પરંતુ KL રાહુલ હજુ પણ T20 આંતરરાષ્ટ્રીય શ્રેણીનો ભાગ નથી. આ હોમ સિરીઝ માટે કેએલ રાહુલને ટીમમાં કેમ પસંદ કરવામાં આવ્યો નથી? જાણો તેની પાછળનું કારણ.

વિરાટ અને રોહિત ઉપરાંત સંજુ સેમસન પણ ટીમમાં પરત ફર્યા છે. તે જ સમયે, જ્યારે વિકેટકીપર બેટ્સમેન કેએલ રાહુલનું નામ ટીમમાં જોવા મળ્યું ન હતું, ત્યારે ફરીથી વિવિધ વાતો શરૂ થઈ હતી કે કેએલ રાહુલને ટી20 ટીમ માટે ધ્યાનમાં લેવામાં આવશે નહીં. પસંદગી સમિતિએ કેએલ રાહુલને ટી20માં ન તો ઓપનર તરીકે જોયો છે કે ન તો મિડલ ઓર્ડર બેટ્સમેન તરીકે. ટીમ પસંદગીકારોએ સંજુ સેમસન અને જીતેશ શર્મા ને વિકેટકીપર તરીકે પસદંગી કરી છે તેનો અર્થ એ છે કે,  કે.એલ. રાહુલે ODI અને ટેસ્ટ ટીમમાં પોતાનું સ્થાન નિશ્ચિત કરી લીધું છે, જ્યારે તે T20 ટીમમાંથી બહાર છે.

ઈન્ડિયન એક્સપ્રેસના અહેવાલ મુજબ, KL રાહુલની 3 મેચની T20I શ્રેણી માટે પસંદગી કરવામાં આવી નથી કારણ કે પસંદગીકારોએ ઓપનિંગ અને મિડલ ઓર્ડર બંને સ્થાનો માટે અન્ય ખેલાડીઓને તક આપી છે. કેએલ રાહુલે ઓપનિંગ બેટ્સમેન તરીકે તેની મોટાભાગની T20 ઈન્ટરનેશનલ અને ડોમેસ્ટિક T20 મેચ રમી છે, પરંતુ શુભમન ગિલ અને યશસ્વી જયસ્વાલના ઉદભવ સાથે બે ઓપનિંગ સ્લોટ માટેની સ્પર્ધા કઠિન બની ગઈ છે. રોહિત અને વિરાટ પરત ફર્યા હોવાથી બેટિંગ ઓર્ડરમાં ટોચ પર કોઈ જગ્યા ખાલી નથી.

એવું નથી કે કર્ણાટકના આ બેટ્સમેન માટે T20 ટીમના દરવાજા બંધ થઈ ગયા છે. જો, IPL 2024 માં લખનૌ સુપર જાયન્ટ્સ તરફથી રમતી વખતે, વિકેટ-કીપર બેટ્સમેન તરીકે, તે તેના સાથી ખિલાડીઓ ઈશાન કિશન, સંજુ સેમસન, ઋષભ પંત (જો ફિટ) અને જીતેશ શર્મા કરતાં વધુ રન બનાવે  અને વધુ ઝડપી દરે રન બનાવે  ત્યારબાદ તે T20 માટે ક્વોલિફાય થઇ શકે છે.


Related Posts