MP અને RJ માં મુખ્યમંત્રી તરીકે નવા ચહેરાની શક્યતા વધુ છે જાણો શું છે ગણીત

MP અને RJ માં મુખ્યમંત્રી તરીકે નવા ચહેરાની શક્યતા વધુ છે જાણો શું છે ગણીત

3 ડિસેમ્બરે યોજાયેલી મત ગણતરીમાં ભાજપની બમ્પર જીતના 8 દિવસ પછી પણ ભાજપ હજુ પણ મધ્યપ્રદેશ અને છત્તીસગઢ માટે સીએમ ચહેરો જાહેર કરી શક્યું નથી. આ અંગે વિવિધ પ્રકારની અટકળો લગાવવામાં આવી રહી છે.

ભાજપમાં એ વાત સ્પષ્ટ છે કે જે નામ મીડિયામાં ચગે છે તે ચહેરા ને ભાજપ મોહર મારતુ નથી આના માટે બીજેપીના જૂના રેકોર્ડ તમે જોઇ શકોછે કે જ્યારે પણ બીજેપીને મુખ્યમંત્રીની જાહેરાત કરવામાં 5 દિવસથી વધુ સમય લાગ્યો, ત્યારે એક નવો ચહેરો સામે આવ્યો. આ વખતે પણ ભાજપ 8 દિવસ પછી પણ કોઈ નિર્ણય લઈ શકી નથી. આવી સ્થિતિમાં એવું માનવામાં આવે છે કે આ વખતે પણ ભાજપ બંને રાજ્યોમાં નવા ચહેરા રજૂ કરશે જે કોઇએ વિચાર્યુ નહી હોય અને ભાજપ હાઇકમાન્ડ એકદમ ક્લીન છબી વાળા ચહેરાને અજમાવશે જેમાં આ વખતે મધ્યપ્રદેશમાં પણ શિવરાજસિંહની જગ્યાએ કોઇ નવો ચહેરો લાવશે જ તેમ સુત્રનું જણાવવું છે તેમાં જો જ્યોતિરાદિત્ય સિંધિયા કાતો એકદમ નવો ચહેરો જ બનશે તેની પાછળ લોકસભા ની ચૂંટણી અને પાર્ટીને લાંબા સમય સુધી નેતૃત્વ મળે તે રીતે પાર્ટી મંથન કરી ચહેરો રજૂ કરશે જે કોઇએ વિચાર્ચુ નહી હોય

5 દિવસથી વધુના વિલંબ બાદ નવો ચહેરો મળ્યો
2017ની વિધાનસભા ચૂંટણીમાં, ભાજપે, મધ્યપ્રદેશની જેમ, ઉત્તર પ્રદેશમાં પણ કોઈપણ સીએમ ચહેરા વિના ચૂંટણી લડી અને બમ્પર જીત નોંધાવી. બીજેપીને અહીં સીએમ ચૂંટવામાં 9 દિવસ લાગ્યા છે. ત્યારે રાજનાથ સિંહ અને મનોજ સિંહા જેવા મોટા નેતાઓ રેસમાં હતા. પરંતુ, યોગી આદિત્યનાથ મુખ્યમંત્રી તરીકે નવા ચહેરા તરીકે ઉભરી આવ્યા છે.

2017માં પણ ભાજપે ઉત્તરાખંડમાં સીએમ ચહેરા વગર ચૂંટણી લડી હતી. અહીં પણ ભાજપે મુખ્યમંત્રીનો ચહેરો નક્કી કરવામાં આઠ દિવસનો સમય લીધો હતો. પરંતુ આ પછી જે ચહેરો સામે આવ્યો તે ત્રિવેન્દ્ર સિંહ રાવતનો હતો, જ્યારે બીએસ ખંડુરી અને રમેશ પોખરિયાલ નિશંક જેવા ઘણા દિગ્ગજો આ પદ માટે શ્રેષ્ઠ પ્રયાસ કરી રહ્યા હતા.

2017 હિમાચલ પ્રદેશ વિધાનસભા ચૂંટણી જીત્યા બાદ, અહીં પણ ભાજપે મુખ્યમંત્રીની જાહેરાત કરવામાં 7 દિવસનો સમય લીધો હતો. ત્યારે પણ પ્રેમસિંહ ધૂમલ જેવા દિગ્ગજની જગ્યાએ જયરામ ઠાકુરનું નામ સામે આવ્યું હતું જે નવો ચહેરો હતો.

2014માં મહારાષ્ટ્રમાં બીજેપી ગઠબંધનની મોટી જીત બાદ પણ ભાજપને મુખ્યમંત્રીનો ચહેરો જાહેર કરવામાં 7 દિવસનો સમય લાગ્યો હતો. આ પછી જે ચહેરો સામે આવ્યો તે દેવેન્દ્ર ફડણવીસનો હતો, જ્યારે આ પદ માટે કેન્દ્રીય મંત્રીઓ નીતિન ગડકરી અને પ્રકાશ જાવડેકર જેવા નામોની ખૂબ ચર્ચા થઈ હતી.

હરિયાણામાં પણ 2014માં ભાજપને મુખ્યમંત્રીની પસંદગી કરવામાં 6 દિવસનો સમય લાગ્યો હતો, તો અહીં પણ પાર્ટીએ નવા ચહેરા મનોહર લાલ ખટ્ટરને મુખ્યમંત્રી બનાવ્યા હતા, જ્યારે આ રેસમાં ચૌધરી બિરેન્દ્ર સિંહ, કેપ્ટન અભિમન્યુ, અને અન્ય નેતાઓ હતા. પરંતુ ભાજપે સંપૂર્ણપણે નવું નામ આગળ કર્યું હતું.

5 દિવસ કરતાં ઓછા એટલે કે ચહેરો પુનરાવર્તન
આમ, જ્યારે પણ ભાજપને મુખ્યમંત્રીનો ચહેરો નક્કી કરવામાં 5 દિવસથી ઓછો સમય લાગ્યો ત્યારે પાર્ટીએ જૂના ચહેરાને તક આપી.

2019માં ભાજપે હરિયાણા ચૂંટણીના પરિણામોના માત્ર 3 દિવસ બાદ મુખ્યમંત્રીના નામની જાહેરાત કરી હતી. આ સાથે પાર્ટીએ બીજી વખત રાજ્યની બાગડોર સંભાળવાની જવાબદારી મનોહર લાલ ખટ્ટરને સોંપી છે.

8 ડિસેમ્બરે 2022ની ગુજરાત વિધાનસભાની ચૂંટણીના પરિણામો આવ્યા ત્યારે 3 દિવસમાં જ ભાજપે ભૂપેન્દ્ર પટેલને ફરીથી ગુજરાતના મુખ્યમંત્રી બનાવવાની જાહેરાત કરી હતી. મુખ્યમંત્રીના નામને ફાઇનલ કરવામાં જે સમય લાગે છે અને તે પછી જે ચહેરો સામે આવે છે તે દર્શાવે છે કે જ્યારે પણ ભાજપ મુખ્યમંત્રીના નામ માટે 5 દિવસથી વધુ સમય લે છે, ત્યારે પાર્ટી નવા ચહેરાને તક આપે છે. એ જ રીતે, જ્યારે પણ 5 દિવસથી ઓછો સમય લાગે છે, ત્યારે પાર્ટી ફક્ત જૂના ચહેરાઓને જ આગળ કરે છે.