વિશ્વકપમાં પાકિસ્તાનની સફર પુરી, ન્યુઝીલેન્ડ સેમીફાઈનલમાં -લંકાની 5 વિકેટે હાર

વિશ્વકપમાં પાકિસ્તાનની સફર પુરી, ન્યુઝીલેન્ડ સેમીફાઈનલમાં -લંકાની 5 વિકેટે હાર

ન્યૂઝીલેન્ડે વર્લ્ડ કપ 2023માં સેમિફાઇનલ માટે ખૂબ જ મહત્વપૂર્ણ મેચમાં શ્રીલંકાને હરાવ્યું. શ્રીલંકાએ ગુરુવારે એમ ચિન્નાસ્વામી સ્ટેડિયમમાં રમાયેલી મેચમાં પાંચ વિકેટથી જીત મેળવીને ટોપ-4માં પોતાનો દાવો મજબૂત કર્યો છે. હવે સેમિફાઇનલ માટે અન્ય એક દાવેદાર પાકિસ્તાની ટીમ પર દબાણ વધી ગયું છે, જેને શનિવારે કોલકાતાના ઇડન ગાર્ડન્સ ખાતે ઇંગ્લેન્ડ સામે તેની છેલ્લી લીગ મેચ રમવાની છે. હવે, જો બાબર આઝમ એન્ડ કંપની નેટ રન-રેટમાં ન્યુઝીલેન્ડને પાછળ છોડવા માંગે છે, તો તેણે ઇંગ્લેન્ડને 287 રનના વિશાળ માર્જિનથી જીતવું પડશે. જે લગભગ અશક્ય છે.

શું પાકિસ્તાન ખરેખર વર્લ્ડ કપમાંથી બહાર છે?
સેમીફાઈનલમાં પહોંચવા માટે પાકિસ્તાને પ્રાર્થના જ એક માત્ર સહારો હતો કે આજની મેચમાં શ્રીલંકા ન્યુઝીલેન્ડને હરાવશે, જે ન થઈ શક્યુ. હવે ન્યૂઝીલેન્ડની જીત બાદ તેના 9 મેચમાં 10 પોઈન્ટ થઈ ગયા છે. હવે પાકિસ્તાન અને અફઘાનિસ્તાનને એક-એક મેચ રમવાની છે. જો બંને ટીમો પોતપોતાની મેચોમાં ઈંગ્લેન્ડ અને અફઘાનિસ્તાનને હરાવે તો પણ દરેકના નવ મેચમાં 10 પોઈન્ટ હશે, પરંતુ મામલો રન રેટ પર જશે કારણ કે ન્યુઝીલેન્ડ પાસે શ્રેષ્ઠ NRR છે. આ સ્થિતિમાં પાકિસ્તાને ઈંગ્લેન્ડને 287 રનથી હરાવવું પડશે અને અફઘાનિસ્તાને દક્ષિણ આફ્રિકાને 438 રનથી હરાવવું પડશે, જે અશક્ય છે.

સતત ચાર હાર બાદ જીત
આજની મેચમાં ન્યૂઝીલેન્ડે પહેલા શ્રીલંકાને માત્ર 171 રનમાં ઓલઆઉટ કરી દીધું હતું અને ત્યારબાદ 23મી ઓવરમાં પાંચ વિકેટ ગુમાવીને લક્ષ્ય હાંસલ કરી લીધું હતું. આ મેચ ન્યૂઝીલેન્ડ માટે ખૂબ જ મહત્વપૂર્ણ હતી, જેણે સતત ચાર મેચ હારી હતી કારણ કે તેના આઠ પોઈન્ટ હતા અને તેણે ભારત, દક્ષિણ આફ્રિકા અને ઓસ્ટ્રેલિયાની સાથે સેમિફાઈનલમાં પહોંચવા માટે કોઈપણ ભોગે શ્રીલંકાને તેની છેલ્લી લીગ મેચમાં હરાવી હતી. આ મેચમાં ન્યૂઝીલેન્ડ તરફથી ઓપનર ડેવોન કોનવેએ 45 રન, રચિન રવિન્દ્રએ 42 રન અને ડેરીલ મિશેલે 43 રન બનાવ્યા હતા.

ન્યુઝીલેન્ડની ધાતક બોલિંગ
નવા બોલ સાથે ટ્રેન્ટ બોલ્ટના શાનદાર પ્રદર્શન બાદ મિશેલ સેન્ટનરે પિચનો પૂરો ફાયદો ઉઠાવ્યો, કારણ કે ન્યૂઝીલેન્ડે શ્રીલંકાને માત્ર 171 રનમાં આઉટ કરી દીધું હતું. ન્યૂઝીલેન્ડે ટોસ જીતીને ફિલ્ડિંગ કરવાનો નિર્ણય લીધો હતો. તેના ડાબા હાથના ઝડપી બોલર બોલ્ટ (3/37) અને ડાબા હાથના સ્પિનર સેન્ટનર (2/22)એ ટીમની જરૂરિયાત મુજબ બોલિંગ કરી. ઓપનર કુસલ પરેરાને એક રન પર વિકેટકીપર ટોમ લાથમે જીવનદાન આપ્યું હતું, જેણે 28 બોલમાં 51 રનની અડધી સદી ફટકારી હતી. ટૂંક સમયમાં જ શ્રીલંકાનો સ્કોર ચાર વિકેટે 70 રન થઈ ગયો. જ્યારે એક છેડેથી વિકેટો પડી રહી હતી, ત્યારે બીજા છેડે કુસલ પરેરા મક્કમ હતો અને તેણે સાઉદીના બોલ પર ખૂબ જ સારા શોટ પણ ફટકાર્યા હતા. તેણે ઓસ્ટ્રેલિયા સામે ટુર્નામેન્ટમાં માત્ર એક જ અડધી સદી ફટકારી છે અને છેલ્લી પાંચ ઇનિંગ્સમાં તે ડબલ ફિગર સુધી પણ પહોંચી શક્યો નથી. મહિષ તિક્ષાના (અણનમ 38) અને દિલશાન મધુશંકાએ (18 રન) છેલ્લી વિકેટ માટે 43 રન જોડ્યા જે શ્રીલંકાની ઇનિંગ્સની સૌથી મોટી ભાગીદારી હતી.