Related Posts
Category : Sports
IND VS SL -સુર્યાકુમાર યાદવનો કરેલો કેચ ટીમ માટે જીતના રસ્તા ખોલી શકયુ ?
ટીમ ઈન્ડિયાએ એશિયા કપ 2023ની ફાઈનલમાં પોતાનું સ્થાન નિશ્ચિત કરી લીધું છે. ટીમ ઈન્ડિયાએ શ્રીલંકા સામે 41 રનથી જીત મેળવીને ફાઈનલમાં પ્રવેશ મેળવ્યો હતો. સૂર્યકુમાર યાદવ ટીમ ઈન્ડિયાની પ્લેઈંગ ઈલેવનનો ભાગ ન હતો, પરંતુ તેમ છતાં તેને એક ખાસ કામ માટે મેચ પછીના પ્રેઝન્ટેશન દરમિયાન એવોર્ડ મળ્યો હતો. જ્યારે ભારતીય ટીમ ફિલ્ડિંગ માટે આવી ત્યારે સૂર્યકુમાર યાદવે અવેજી ફિલ્ડરની ભૂમિકા ભજવી હતી અને આ દરમિયાન તેણે બે સારા કેચ પણ લીધા હતા. 40.5 ઓવરમાં હાર્દિક પંડ્યાનો કેચ સૂર્યાએ લીધો તે જોઈને દરેક લોકો દંગ રહી ગયા. આ શાનદાર કેચ માટે સૂર્યાને મેચ બાદ બેસ્ટ કેચનો એવોર્ડ આપવામાં આવ્યો હતો.
સૂર્યકુમાર યાદવે હાર્દિક પંડ્યાના બોલ પર મહિષ તિક્ષિનાનો એવો કેચ લીધો, જે એક ઉદાહરણ બની ગયો. હાર્દિક પાસે એક લેન્થ ડિલિવરી હતી જે સ્ટમ્પ પર હતી અને મહિષે તેને ફ્લિક કર્યું, મહિષે વિચાર્યું કે તેણે ગેપ શોધી લીધો છે, પરંતુ સૂર્યાએ તેની યોજનાને સંપૂર્ણપણે બરબાદ કરી દીધી. મિડ-ઓન પર, સૂર્યાએ તેની જમણી તરફ સંપૂર્ણ ડાઇવ લગાવી અને એક હાથથી નીચો કેચ લીધો. આ રીતે શ્રીલંકાએ તેની આઠમી વિકેટ ગુમાવી હતી.
સુર્યાકુમાર યાદવે એવા સમયે ચુસ્ત ફિલ્ડીગ કરી કેચ કર્યો જયારે ટીમ વિકેટ માટે મરણીયા પ્રયાસ કરી રહી હતી જો આ કેચ ન થયો હોત તો ચોક્કસ આજે ભારતને જીતવામાં સફળતા ન મળી હોત કેમ કે એ બંને બેટર ભારતીય બોલરને સારી રીતે રમતા હતા સ્ટ્રાઇક આરામથી રોટેટ કરતા હતા.
Load more
