Related Posts
Category : Sports
IND VS PAK – કોહલીની સદી રોકવા પાકિસ્તાન ખીલાડીઓ કરી રહ્યા હતા પ્રયાસ
વિરાટ કોહલીની સદીના બળ પર, ભારતે ચેમ્પિયન્સ ટ્રોફીની 5મી મેચમાં પાકિસ્તાનને હરાવીને પોતાનું વિજયી અભિયાન ચાલુ રાખ્યું. ૨૪૨ રનના લક્ષ્યાંકનો પીછો કરતી વખતે, એક સમયે એવું લાગતું હતું કે વિરાટ કોહલી પોતાની સદી પૂર્ણ કરી શકશે નહીં, પાકિસ્તાન પણ આ માટે કાવતરું ઘડી રહ્યું હતું. પરંતુ કિંગ તો કિંગ જ હોય છે, કોહલીએ વિજયી રન સાથે ODI ક્રિકેટમાં પોતાની 51મી સદી પૂર્ણ કરી. પરંતુ મેચ પછી, સોશિયલ મીડિયા પર પાકિસ્તાની ખેલાડીઓની ખેલદિલી પર પ્રશ્નો ઉભા થવા લાગ્યા. વિરાટ કોહલી તેની સદી નજીક હતો ત્યારે પાકિસ્તાની બોલરો તેની સદી ન થાય તે માટે વાઇડ બોલ આપી રન આપવાનો પ્રયાસ કરી રહ્યા હતા.
૪૧મી ઓવર પછી, જ્યારે ભારતને જીતવા માટે ૧૭ રનની જરૂર હતી, ત્યારે વિરાટ કોહલી ૮૭ રન પર બેટિંગ કરી રહ્યો હતો, તે તેની સદીથી માત્ર ૧૩ રન દૂર હતો. શાહીન આફ્રિદીએ ૪૨મી ઓવર ફેંકી જેમાં તેણે ત્રણ વાઈડ સહિત કુલ ૧૩ રન આપ્યા. તેણે ઓવરનો ત્રીજો બોલ અક્ષર પટેલને લેગ સાઈડ પર ફેંક્યો અને વિકેટકીપર મોહમ્મદ રિઝવાન પણ તેનાથી છેતરાઈ ગયો. સદનસીબે, બોલ બાઉન્ડ્રી સુધી ન પહોંચ્યો અને ભારતીય ખેલાડીઓ દોડ્યા અને એક રન લીધો. જો તે ચોગ્ગો હોત, તો કોહલી સદી સુધી પહોંચી શક્યો ન હોત.શાહીન આફ્રિદી અહીં જ ન અટક્યો, તેણે આગળનો બોલ ઓફ સાઈડ પર વાઈડ ફેંક્યો જેના પછી મેદાન પર હાજર ચાહકોએ હોબાળો મચાવ્યો. ચાહકો સતત હારનાર હારનારની બૂમો પાડી રહ્યા હતા. ચોથા બોલ પર આફ્રિદીએ ધીમો બાઉન્સર ફેંક્યો જેને અમ્પાયરે પણ વાઈડ બોલ જાહેર કર્યો. શાહિન આફરીદીની આ હરકત જોઇ સોશિયલ મીડિયા મા લોકોએ ખૂબ મજા લીધી
Load more
