ડોનાલ્ડ ટ્રમ્પે રશિયા-યુક્રેન યુદ્ધને લઈને મોટું નિવેદન આપ્યું છે કહ્યું કે, તાત્કાલીક થવું જોઇએ આ કામ....

ડોનાલ્ડ ટ્રમ્પે રશિયા-યુક્રેન યુદ્ધને લઈને મોટું નિવેદન આપ્યું છે કહ્યું કે, તાત્કાલીક થવું જોઇએ આ કામ….

વોશિંગ્ટનઃ અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પે યુક્રેનમાં તાત્કાલિક યુદ્ધવિરામની હાકલ કરી છે. ટ્રમ્પે ફ્રાન્સની રાજધાની પેરિસમાં ફ્રેન્ચ અને યુક્રેનિયન નેતાઓ સાથે બેઠક કર્યા પછી યુદ્ધવિરામનો પ્રસ્તાવ મૂક્યો હતો અને એક સોશિયલ મીડિયા પોસ્ટમાં દાવો કર્યો હતો કે કિવ 1,000 દિવસથી વધુ ચાલેલા યુદ્ધને સમાપ્ત કરવા માટે સોદો કરવા માંગે છે વાટાઘાટો માટે તૈયાર છે, જ્યારે યુક્રેનના પ્રમુખ વોલોડીમીર ઝેલેન્સકીએ કહ્યું હતું કે કોઈપણ કરારે સ્થાયી શાંતિ માટે માર્ગ મોકળો કરવો જોઈએ.

પરિવારો બરબાદ થઈ રહ્યા છે’
ટ્રમ્પે તેમના ટ્રુથ સોશિયલ પ્લેટફોર્મ પરની એક પોસ્ટમાં દાવો કર્યો હતો કે રશિયા અને યુક્રેન બંનેએ એવા યુદ્ધમાં હજારો સૈનિકો ગુમાવ્યા છે જે ક્યારેય શરૂ થવું ન જોઈએ. તેમણે કહ્યું, “તાત્કાલિક યુદ્ધવિરામ થવો જોઈએ અને વાતચીત શરૂ થવી જોઈએ.” ઘણા લોકો બિનજરૂરી રીતે પોતાનો જીવ ગુમાવી રહ્યા છે, ઘણા પરિવારો બરબાદ થઈ રહ્યા છે.” તેમણે રશિયાના રાષ્ટ્રપતિ વ્લાદિમીર પુતિનને યુદ્ધ સમાપ્ત કરવા હાકલ કરી છે. ટ્રમ્પની ટિપ્પણી યુક્રેનના રાષ્ટ્રપતિ વોલોદિમિર ઝેલેન્સકી અને તેમના ફ્રેન્ચ સમકક્ષ ઇમેન્યુઅલ મેક્રોન સાથેની મુલાકાત પછી આવી છે.

ઝેલેન્સકીએ શું કહ્યું?
યુક્રેનના રાષ્ટ્રપતિ વોલોડીમિર ઝેલેન્સકીએ આ બેઠકને રચનાત્મક ગણાવી હતી. તેમણે પત્રકારોને કહ્યું કે કોઈપણ શાંતિ સોદો યુક્રેનના લોકો માટે ન્યાયી હોવો જોઈએ. “જ્યારે આપણે રશિયા સાથે અસરકારક શાંતિ વિશે વાત કરીએ છીએ, ત્યારે આપણે પહેલા અસરકારક શાંતિ ગેરંટી વિશે વાત કરવી જોઈએ,” ઝેલેન્સકીએ કહ્યું. યુક્રેનના લોકો શાંતિ ઈચ્છે છે.” તેમણે દાવો કર્યો હતો કે 24 ફેબ્રુઆરી, 2022ના રોજ રશિયાના આક્રમણથી અત્યાર સુધીમાં યુક્રેનના 43,000 સૈનિકો માર્યા ગયા છે જ્યારે 370,000 અન્ય ઘાયલ થયા છે.