Related Posts
Category : National
એકનાથ શિંદેને જોઇએ છે ગૃહમંત્રીનુ પદ ? કેમ હજી પણ ચાલી રહી છે વાતચીત
મહારાષ્ટ્રમાં મુખ્યમંત્રીને લઈને છેલ્લા 12 દિવસથી ચાલી રહેલ સસ્પેન્સનો આજે અંત આવ્યો છે. મુંબઈમાં બીજેપી વિધાયક દળની બેઠકમાં દેવેન્દ્ર ફડણવીસને સર્વસંમતિથી મુખ્યમંત્રી તરીકે પસંદ કરવામાં આવ્યા છે. આવતીકાલે તેઓ પદના શપથ લેશે. તેઓ ત્રીજી વખત મહારાષ્ટ્રના સીએમ બનશે.શપથગ્રહણ પહેલા મહારાષ્ટ્રમાં રાજકીય ગતિવિધિઓ તેજ થઈ ગઈ છે. એ વાતની પુષ્ટિ થઈ ગઈ છે કે દેવેન્દ્ર ફડણવીસ મુખ્યમંત્રી અને એકનાથ શિંદે ડેપ્યુટી સીએમ બનશે. પરંતુ એકનાથ શિંદે હવે ગૃહ મંત્રાલયના આગ્રહ પર અડગ છે. આ દરમિયાન ફડણવીસ શિંદેના નિવાસસ્થાને વર્ષા પહોંચ્યા અને તેમની સાથે ચર્ચા કરી. કહેવામાં આવી રહ્યું છે કે બંને વચ્ચે લગભગ 40 મિનિટ સુધી ચર્ચા ચાલી.
ચુસ્ત બંદોબસ્ત
મહારાષ્ટ્રમાં ગુરુવારે નવી સરકાર શપથ લેવાની છે. દેવેન્દ્ર ફડણવીસ ત્રીજી વખત મુખ્યમંત્રી તરીકે શપથ લેશે. શપથ ગ્રહણ સમારોહ માટે મુંબઈમાં ભારે સુરક્ષા છે. મુંબઈ પોલીસના જોઈન્ટ કમિશનર સત્ય નારાયણ ચૌધરીએ જણાવ્યું કે 5 એડિશનલ કમિશનર, 15 ડીસીપી અને 700થી વધુ અધિકારીઓ ઉપરાંત 3 હજાર પોલીસકર્મીઓ તૈનાત કરવામાં આવ્યા છે. આઠ હજારથી વધુ સીસીટીવી કેમેરા દ્વારા મોનીટરીંગ કરવામાં આવશે. મોટી સંખ્યામાં મહિલા અધિકારીઓ અને કોન્સ્ટેબલોને પણ તૈનાત કરવામાં આવ્યા છે.સૂત્રોએ દાવો કર્યો છે કે એકનાથ શિંદે ડેપ્યુટી સીએમ તેમજ ગૃહ મંત્રાલયના પદની માંગ કરી રહ્યા છે. એવું કહેવામાં આવી રહ્યું છે કે તેમણે સ્પષ્ટ કરી દીધું છે કે જો ગૃહ મંત્રાલય નહીં આપવામાં આવે તો તેઓ સરકારમાં સામેલ નહીં થાય. જોકે, ફડણવીસે આ મુદ્દે એકનાથ શિંદે સાથે લગભગ એક કલાક સુધી ચર્ચા કરી હતી. તેમણે તેમને ખાતરી આપી છે કે તેઓ તેમની માંગ પર હાઈકમાન્ડ સાથે વાત કરશે.
Load more
