Related Posts
Category : General
શમીએ 5 વિકેટ લીધા પછી માથે બોલ રાખી કોને કર્યો ઇશારો, ગીલનો ખુલાસો
ભારતીય ફાસ્ટ બોલર મોહમ્મદ શમી વર્લ્ડ કપ 2023માં પોતાની કિલર બોલિંગથી તબાહી મચાવી રહ્યો છે. તેણે શ્રીલંકા સામે વધુ એક રેકોર્ડ તોડ્યો અને ઘણા રેકોર્ડ બનાવ્યા, જ્યારે તે આ ટૂર્નામેન્ટમાં સૌથી વધુ વિકેટ લેનારા બોલરોની યાદીમાં 6માં સ્થાને પહોંચી ગયો છે. શ્રીલંકા વિરૂદ્ધ 5 વિકેટ લીધા બાદ શમીએ એક એવી ચેષ્ટા કરી જે જોઈને ચાહકો થોડા ચોંકી ગયા. વાસ્તવમાં, 5 વિકેટ લીધા પછી, શમીએ ડ્રેસિંગ રૂમમાં બોલ તેના માથા પર મૂકીને એક ઈશારો કર્યો હતો, શમીની આ પ્રતિક્રિયા જોઈને, ચાહકો આશ્ચર્યમાં પડી ગયા હતા કે તેણે આ ઈશારો કોના માટે અને શા માટે કર્યો હતો. જો કે હવે આ વાતનો ખુલાસો ભારતીય ઓપનર શુભમન ગીલે કર્યો છે.
શુભમન ગિલે મેચ વિશે જણાવ્યું કે મોહમ્મદ શમીએ ભારતીય બોલિંગ કોચ પારસ મ્હામ્બરે માટે આ ઈશારો કર્યો હતો, જોકે તેણે એ નથી જણાવ્યું કે મોહમ્મદ શમીએ આવું કેમ કર્યું.
શ્રીલંકા સામે મોહમ્મદ શમીએ 5 ઓવરમાં 18 રન આપીને 5 વિકેટ લીધી હતી. તેના શાનદાર પ્રદર્શનના આધારે ભારતે 302 રનની મોટી જીત નોંધાવી હતી. શમીને તેના પ્રદર્શન માટે પ્લેયર ઓફ ધ મેચનો એવોર્ડ પણ આપવામાં આવ્યો હતો.શમી ભારત માટે સૌથી વધુ પાંચ વિકેટ ઝડપનાર બોલર પણ બની ગયો છે. તેણે આ કારનામું ચાર વખત કર્યું હતું. જ્યારે, જાવાગલ અને ભૂતપૂર્વ અનુભવી સ્પિનર હરભજન સિંહે ત્રણ-ત્રણ વાર આવું કર્યું હતું.
શમી વિશ્વકપમાં ત્રણ વખત પાંચ વિકેટ લેનારો એકમાત્ર ભારતીય છે. કપિલ દેવ, રોબિન સિંહ, વેંકટેશ પ્રસાદ, આશિષ નેહરા અને યુવરાજ સિંહે એક-એક વખત પાંચ વિકેટ ઝડપી હતી. શમી વર્લ્ડ કપમાં સૌથી વધુ વિકેટ લેવાના મામલે સંયુક્ત રીતે ટોચ પર પહોંચી ગયો છે. તેણે અને ઓસ્ટ્રેલિયન ફાસ્ટ બોલર મિચેલ સ્ટાર્કે ત્રણ-ત્રણ વખત આ સિદ્ધિ હાંસલ કરી છે.
Load more
