ઉત્તર કોરિયાએ ફરી જાપાન પર બેલેસ્ટિક મિસાઈલ છોડી, દેશમાં એલર્ટ જારી

દક્ષિણ કોરિયાના જોઈન્ટ ચીફ ઓફ સ્ટાફે આ જાણકારી આપી. દક્ષિણ કોરિયાએ કહ્યું કે તેણે ઉલેંગ ટાપુ પર હવાઈ હુમલાનું એલર્ટ જારી કર્યું છે. 1945માં ભાગલા બાદ પહેલીવાર વિવાદિત વિસ્તારમાં મિસાઈલ છોડવામાં આવી છે. ઉત્તર કોરિયાએ પહેલીવાર એક જ દિવસમાં આટલી મિસાઈલો છોડી છે. દક્ષિણ કોરિયાના રાષ્ટ્રપતિ યુન સુક-યોલે ઉત્તર કોરિયાની કાર્યવાહીની નિંદા કરી છે.

દક્ષિણ કોરિયાએ કહ્યું છે કે ઉત્તર કોરિયાએ તેના પૂર્વ અને પશ્ચિમી તટ પરથી કુલ 23 મિસાઈલો છોડી છે. દક્ષિણ કોરિયાની સૈન્યએ જણાવ્યું હતું કે કોરિયન દ્વીપકલ્પના પૂર્વ અને પશ્ચિમ કિનારા તરફ વિવિધ પ્રકારની મિસાઇલો છોડવામાં આવી હતી, પરંતુ વિગતો આપી ન હતી. અગાઉ, દક્ષિણ કોરિયાની સૈન્યએ કહ્યું હતું કે તેણે દ્વીપકલ્પના પૂર્વ કિનારેથી છોડવામાં આવેલી ત્રણ ટૂંકા અંતરની ઉત્તર કોરિયાની બેલિસ્ટિક મિસાઇલો શોધી કાઢી હતી.

દક્ષિણ કોરિયાનું કહેવું છે કે ઉત્તર કોરિયાના મિસાઈલ પ્રક્ષેપણના જવાબમાં તેણે હવાથી સપાટી પર માર મારનાર ત્રણ મિસાઈલોનું પરીક્ષણ કર્યું છે. દક્ષિણ કોરિયાની સૈન્યએ જણાવ્યું હતું કે તેના લડાકુ વિમાનોએ બુધવારે હરીફોની પૂર્વી સરહદ નજીક ત્રણ મિસાઇલો છોડી હતી. સેનાએ કહ્યું કે ઉત્તર કોરિયાના મિસાઈલ પરીક્ષણોના જવાબમાં આ કાર્યવાહી કરવામાં આવી છેઉત્તર કોરિયાએ કોરિયન દ્વીપકલ્પના પૂર્વી અને પશ્ચિમી દરિયાકાંઠા નજીક 10 થી વધુ મિસાઈલો છોડી છે. દક્ષિણ કોરિયાનું કહેવું છે કે ઉત્તર કોરિયાની એક મિસાઈલ દરિયાઈ સરહદ નજીક પડી હતી. દક્ષિણ કોરિયાના પરિવહન મંત્રાલયે જણાવ્યું હતું કે ઉત્તર કોરિયાના મિસાઇલ પ્રક્ષેપણને પગલે તેણે ગુરુવારે સવાર સુધીમાં દેશના પૂર્વીય જળ સીમા પરના કેટલાક હવાઈ માર્ગો બંધ કરી દીધા હતા.

Leave a Reply

Your email address will not be published. Required fields are marked *

Translate »

Nationgujarat Subscribe