અલ્લુ અર્જુનની બ્લોકબસ્ટર ફિલ્મ ‘પુષ્પા 2’ થિયેટરોમાં ધૂમ મચાવી રહી છે. ફિલ્મે તેના પહેલા અઠવાડિયામાં જ કરોડોની કમાણી કરી લીધી છે. પરંતુ, આ ફિલ્મને લઈને કેટલી ચર્ચા છે. એટલી જ ચર્ચામાં તે ફિલ્મનો ખલનાયક પણ છે, જેને ચાહકો ક્રિકેટર કૃણાલ પંડ્યા સમજી ગયા હતા. ફિલ્મમાં જે વિલનનો લુક ગૂંચવાયો હતો અને ચાહકો તેને કૃણાલ પંડ્યા સમજી ગયા તેનું નામ તારક પોનપ્પા છે.
પુષ્પા 2 માં કૃણાલ પંડ્યા?
તારક પોનપ્પાના લુકને લઈને સોશિયલ મીડિયા પર ઘણી ચર્ચા થઈ રહી છે. કેટલાક ચાહકોએ લખ્યું કે વાહ, કૃણાલ પંડ્યાએ શું ભૂમિકા ભજવી છે? જ્યારે એકે લખ્યું કે પુષ્પા 2માં કૃણાલ પંડ્યાનો ગેસ્ટ રોલ છે.
I didn’t know #RCB blood Krunal Pandya was playing the villain in #Pushpa2TheRule pic.twitter.com/m7G0a7M0DX
— desi sigma (@desisigma) December 8, 2024
તારક પોનપ્પા કે કૃણાલ પંડ્યા? ચાહકો મૂંઝવણમાં મૂકાઈ ગયા
તારક પોનપ્પાએ પુષ્પા 2 માં કોગતમ બુગ્ગા રેડ્ડીની ભૂમિકા ભજવી છે. ફિલ્મમાં તે કેન્દ્રીય મંત્રી કોગતમ વીરા પ્રતાપ રેડ્ડીના ભત્રીજા અને કોગતમ સુબ્બા રેડ્ડીના પુત્રની ભૂમિકા ભજવે છે. ફિલ્મના એક સીનમાં તેનો લુક એવો છે કે તે બંગડીઓ, નોઝ રીંગ, નેકલેસ અને ઈયરિંગ્સ સાથે જોવા મળે છે. ફિલ્મમાં તેના લુકએ ચાહકોને પ્રભાવિત કર્યા છે. ફિલ્મમાં તેનો લુક કૃણાલ પંડ્યા સાથે મેળ ખાય છે. ઘણા દર્શકોએ એમ પણ માની લીધું હતું કે તેઓ કૃણાલનો ગેસ્ટ અપીયરન્સ જોઈ રહ્યા છે.
પુષ્પા 2 પહેલા, તારક પોનપ્પાએ દેવરા: ભાગ 1 માં પણ તેની અભિનય શક્તિ સાબિત કરી છે. દેવરા: ભાગ 1 માં જુનિયર એનટીઆર, જ્હાન્વી કપૂર અને સૈફ અલી ખાન મુખ્ય ભૂમિકામાં હતા. તારક પોનપ્પાએ સુપરસ્ટાર યશની ફિલ્મ KGF ચેપ્ટર 2 માં દયાની ભૂમિકા ભજવી અને લોકોને પ્રભાવિત કર્યા.