નરેન્દ્ર મોદી – ઘરે ઘરે જઇને એટલુ કહેજો કે આપણા નરેન્દ્રભાઇ ધોરાજી આવ્યા હતા અને …

ગુજરાતમાં લોકશાહિનો ઉત્સવ આગામી 1 અને 5 ડિસેમ્બરના રોજ ઉજવવાનો છે તે અંતર્ગત  ગુજરાતના પનોતાપુત્ર અને ગુજરાતને વિકાસનું મોડલ બનાવનાર અને દેશને આઝાદીના અમૃત કાળમાં પ્રાકૃતિક ખેતી અને આત્મનિર્ભર બનાવવાની દિશા આપનાર વડાપ્રધાન નરેન્દ્રભાઇ મોદી ગુજરાતમા ઝંઝાવતી ચૂંટણી પ્રચાર કરવા પધાર્યા છે જેમાં આજે વેરાવળ પછી ધોરાજી ખાતે વિજય સંકલ્પ અંતર્ગત જાહેરસભા યોજાઇ હતી. વડાપ્રધાન નરેન્દ્રભાઇ મોદી દેશના પ્રધાનમંત્રીની ધુરા સંભાળ્યા પછી પ્રથમ વખત ધોરાજી ખાતે પધારી જનતાને સંબોધી હતી.

 

દેશના વિકાસપુરુષ અને ગુજરાતના પનોતા પુત્રશ્રી શ્રીનરેન્દ્રભાઇ મોદી સાહેબે જનસભાને સંબોધતા હળવી  શૈલીમાં જણાવ્યું કે, બપોરનો સમય હોય અને રાજકોટનો સ્વભાવ છે કે  બપોરે એટલે આરામ કરવાનો સમય અને છતાંય મોટી જનસભા બતાવે છે કે ગુજરાતના લોકોએ વખતે જૂના બધા રેકોર્ડ તોડીને ભાજપને જીતાડવાનું નક્કી કરી દીધું છે આજે પ્રત્યેક ગુજરાતી સિંહ ગર્જના કરી રહ્યો છે. આજે ગુજરાતના ખુણે ખુણેથી એક અવાજ આવી રહ્યો છે કે ફીર એક બાર…. મોદી સરકાર. આજે ટીવીમાં અને રાજકીય પંડિતો પણ  ચર્ચા કરે તો એક ચર્ચા કરે છે કે ભાજપની સરકાર ભારે બહુમતથી બનશે. ભુપેન્દ્ર અને નરેન્દ્ર પર જનતાના આશિર્વાદ બહુ છે તેનુ કારણ સરકાર અને જનતાનો રાજયના વિકાસમાં સંયુક્ત પુરુષાર્થ છે તેનું પરિણામ છે.

 

મોદીએ વધુમાં જણાવ્યું કે, આજે આપ સૌ પાસે આશિર્વાદ માંગવા આવ્યો છું અને મારા કામનો હિસાબ આપવા આવ્યો છું. મન ભરીને જનતા આશિર્વાદ આપે એટલે મારી તાકાત અનેક ગણી વધી જાય. ગુજરાતના નાગરિકો મારા શિક્ષક છે અને તમે મને ટ્રેનિંગ આપી છે.

 

મોદીએ ગુજરાતના જૂના દિવસોને યાદ કરતા જણાવ્યું કે, ગુજરાતનો એક સમય હતો કે ગુજરાત કોમીદાવાનળમાં હુલડ છાશવારે થતા, પહેલા ધોરાજી થી અમદાવાદ જવુ હોય તો પહેલા ફોન કરીને પુછવું પડતું હતું કે કર્ફ્યુ તો નથીનેઆવી દશામાં ગુજરાતીઓ જીવતા હતા અને આજે ભાજપ સરકારે કોમી દાવાનળને કાયમ માટે વિદાય કરી દીધી. ઉપસ્થિત જનતાને સવાલ કર્યો કે ગુજરાતમાં શાંતી થઇ કે નહી ? , કોમી રણખાણોને આપણે ગુજરાતમાંથી કાયમ દેશવટો કર્યો કે નહી ?  ગુજરાતમાં ભૂંકપ આવ્યો ત્યારે લોકો કહેતા કે ગુજરાત તો મોતની ચાદર ઓઢીને સુતુ છે કયારેય ઉભુ નહી થાય આપણે એમાથી પણ બહાર આવ્યા કે નહી ?  આજે ગુજરાતમાં નવા નિર્માણની વાત હોય,મૂડિ રોકારણની હોય કે પછી વિદેશમાં નિકાસ કરવાની વાત હોય આજે દરેક ક્ષેત્રે ગુજરાતનો ડંકો વાગે છે. સરકાર અને પ્રજા સાથે ખભેથી ખભો મિલાવીને કામ કરે તો કેટલુ મોટુ પરિણામ આવે છે તે ગુજરાતે આજે દેશને બતાવ્યું છે.

 

મોદી વધુમાં જણાવ્યું કે, ગુજરાતની જનતા અને સરકાર વચ્ચે અતૂટ બંધન છે. આજે આપણે પ્રગતીના નવા શિખર પર આગળ વધી રહ્યા છીએ. આજે એક સેવક તરીકે હું આપની પાસે ભાજપ સરકારને વધુ મજબૂત  બનાવવા માટે આપના આશિર્વાદ લેવા આવ્યો છું. ગઇ વખતે ઘોરાજીમાં ચુકી ગયા હતા. .. આપણને શું ફાયદો થયો તેમ પુછી ને કહ્યું કે વખતે ભુલ કરતા.ગુજરાતના વિકાસ માટે ગુજરાતની જનતા અને યુવા પેઢીને વિકાસ કાર્યો કરવા શક્તિથી મોકો મળ્યો છે. ગુજરાતમાં વિકાસ કાર્યો ભાજપ સરકારે ખૂબ કર્યા છે એટલે જો કાર્યોની વાત કરીએ તો સપ્તાહ બેસાડવી પડે.

 

મોદી ગુજરાતમાં પહેલા પાણી માટેની સ્થિતિને સમજાવતા કહ્યું કે, 20 થી 25 વર્ષ પહેલા ગુજરાતમાં પાણી માટે ટેન્કરો દોડાવવા પડતા, રાજકોટમાં પાણી માટે ટ્રેન દોડાવી પડતી અને આજે ઘરે ઘરે નળથી પાણી પહોંચે છે. પાણીના અભાવમાં પહેલા ગુજરાતમાં ગામડાઓ ખાલી થતા જોયા છે. ભાજપ સરકારે નક્કી કર્યુ કે ગુજરાતના લોકોને પાણીદાર બનાવવાનું છે અને આજે પાણીની સમસ્યાથી ગુજરાત બહાર આવ્યું છે. ભાજપ સરકારે જૂની વાવાનો સાફ સફાઇ કરાવી, કુવા ખોદવાનું કામ કરાવ્યું, ચેકડેમ બનાવ્યા,તળાવો બનાવવાનું કામ કર્યુ અને પાણીના બચાવ માટે અભિયાન ચલાવ્યું. ખેતરનું પાણી ખેતરમાં, સીમનું પાણી સીમમાં, ગામનું પાણી ગામમા રહે તેના માટે અભિયાન ચલાવ્યું. આપણે  100  દિવસમાં એક લાખ ખેત તલાવડી બનાવવાનું અભિયાન ચલાવ્યું તેના કારણે પાણીના સ્તર ઊંચા આવ્યા. શેરડીની ખેતી માથી ખાંડનું ઉત્પાદન વધ્યું. ગામે ગામે પાણી મેનેજમેન્ટ માટે આપણે બહેનો પર વિશ્વાસ મુક્યો. પાણીની કિંમત જેટલી બહેનો સમજે તેટલુ બિજું કોઇ સમજે.

 

મોદી નર્મદા અંગે જણાવ્યું કે, મા નર્મદા માટે કેટલા ડખા થયા છે. પંડિત નહેરુએ સરદાર સરોવરનો શિલાન્યાસ કર્યો હતો અને નરેન્દ્ર મોદીએ તેનું ઉદ્ધાટન કર્યુ જરા કલ્પના કરો કે કેટલા રૂપિયા અને સમય બગડયો. તમે ગઇકાલે એક ફોટો છાપામાં જોયો હશે કે કોંગ્રેસ પાર્ટીના એક નેતા કે જેમણે નર્મદા ડેમનું કામ અટકાવવા ધમ પછાડા કર્યા તે બહેનના ખભે હાથ મુકીને પદ યાત્રા કરી રહ્યા હતા. એટલે કોંગ્રેસ વાળા મત માંગવા આવે તો કહેજો કે નર્મદા વિરોધીઓના ખભે હાથ મુકી તમે દોડો છો નર્મદા હોત તો અમારા કચ્છ અને કાઢીયાવાડનું શું થાત ? કયા મોઢે મત માંગવા આવ્યો છે તે સવાલ કોંગ્રેસને પુછજો. ભાજપે સુજ્લામ સુફલામ યોજના થકી પોણા બે લાક હેકટર જમીનને જે પાણી દરિયામાં જતું તે ખેતરોમાં પહોંચાડયું.

 

મોદી વધુમાં જણાવ્યું કે, અમે સમસ્યાના કાયમી સમાઘાન માટે કામ કરનારા લોકો છીએ. ગુજરાત સરકારે પાણી માટે એવો પ્રબંધ કર્યો છે કે આવનાર પેઢીઓને લાભ મળશે . કોંગ્રેસની સરકારને હેન્ડ પંપ લગાવ્યા સિવાય કોઇ રસ હતો. ભાજપ સરકારે ગુજરાતનો ચહેરો બદલી નાખ્યો,ગુજરાતની ચાલ બદલી નાખી. 20 વર્ષની તપસ્યા અને કાળી મજૂરી કરી છે, 365 દિવસ પગ વાળીને બેઠા નથી ત્યારે ગુજરાત આજે વિકાસનું મોડલ બન્યું છે.

 

મોદી વિજળી અંગે સંબોધનમાં જણાવ્યું કે, પહેલા એક સમય હતો કે ગુજરાતમાં વાળુ કરવાના સમયે વિજળી હતી અને આજે ઘરે ઘરે વિજળી મળે છે મોબાઇલ અને કોમ્પુટર ચાર્જ કરી શકો છો એના માટે ખૂબ મહેનત કરવી પડી છે. વિશ્વની સાથે આધુનિકતા સાથે ગુજરાત પહેલુ રાજય છે કે જેણે વિશ્વગ્રામની કલ્પના કરી હતી. આજે રાજકોટમાં AIMS હોસ્પિટલ બની રહી છે આરોગ્ય ક્ષેત્રે મોટી સેવા છે. આવનાર 25 વર્ષમાં ગુજરાતને અભૂતપુર્વ પ્રગતી કરાવવાની છે. ટેકનોલોજીના ક્ષેત્રમાં ગુજરાતને આગળ લઇ જવાનું છે. એક જમાનો હતો કે ગુજરાતમાં સાઇકલ નોહતી બનતી અને આજે વિમાન બનાવાનું શરૂ થયું છે. પહેલા આપણા દેશમાં વેન્ટીલેટર નોહતા બનતા અને કોરોના કાળમાં હિન્દુસ્તાનના જુવાનિયા મેદાનમાં આવ્યા અને વેન્ટીલેટર બનાવી તેની જરૂરીયાત પુર્ણ કરી. હવે તો દુનિયાની તોલે ગુજરાતને લઇ જવાનું છે. ગુજરાતની પેઢી દર પેઢી સુખથી જીવે તે માટે ગુજરાત બનાવવાનું છે તે માટે ચૂંટણી ભાજપને દરેક બેઠક પર આશિર્વાદ આપી કમળ ખીલવી આપો.

 

શ્રી મોદી સાહેબે અંતમાં ઉપસ્થિત જનતાને કહ્યું કે મારી એક વાત ઘરે ઘરે પહોંચાડજો કે ભાજપ 24 કલાક કામ કરનારી સરકાર છે લોકો માટે જીવનાર પાર્ટી છે વાત લોકો સુઘી પહોંચાડશો ? મારુ એક કામ કરવા વિનંતી કરી કે હજુ ચૂંટણી વચ્ચે સમય છે ત્યારે ઘરે ઘરે જઇને એટલુ કહેજો કે આપણા નરેન્દ્રભાઇ ધોરાજી આવ્યા હતા અને તમને પ્રણામ પાઠવ્યા છે. વડિલોને પ્રણામ પહોંચાડવાનું કામ કરશો ? વડિલોના આશિર્વાદ મળે તો કામ કરવાની નવી તાકાત મળે તે માટે આપ વચ્ચે આવ્યો છું વધુમાં વધુ મતદાન કરશો તે અપેક્ષા છે.

Leave a Reply

Your email address will not be published. Required fields are marked *

Translate »

Nationgujarat Subscribe