બોલિવૂડ એક્ટર ટાઈગર શ્રોફ અને સારા અલી ખાનની ફેન ફોલોઈંગ જબરદસ્ત છે. બંને સ્ટાર્સનો કરિયર ગ્રાફ ખૂબ જ ઝડપથી ઉપર ગયો છે. એક તરફ જ્યાં ટાઈગર શ્રોફ તેની મસ્ક્યુલર ફિઝિક અને જબરદસ્ત એક્શન માટે જાણીતો છે, તો બીજી તરફ સારા અલી ખાને પણ પોતાના ગ્લેમર અને એક્ટિંગથી દર્શકોના દિલમાં આગ લગાવી દીધી છે. આ દરમિયાન સારા અને ટાઈગરના ફેન્સ માટે એક સારા સમાચાર આવ્યા છે.
સારા અલી ખાન અને ટાઇગર શ્રોફ ટૂંક સમયમાં એક ફિલ્મમાં સાથે જોવા મળશે. નિર્માતા જેકી ભગનાનીએ ફિલ્મ ‘ઈગલ’ માટે ટાઈગર શ્રોફ અને સારા અલી ખાનને સાઈન કર્યા છે. આ ફિલ્મનું નિર્દેશન જગન શક્તિ કરશે અને રસપ્રદ વાત એ છે કે આ એક મેગા બજેટ ફિલ્મ હશે. પરંતુ ફિલ્મ સાથે જોડાયેલા સૌથી રોમાંચક સમાચાર કંઈક અલગ છે.
અહેવાલ છે કે નિર્માતાઓએ ફિલ્મની એક્શન સિક્વન્સ શૂટ કરવા માટે KGF ડિરેક્ટર જોડી અંબુ-અરિવુનો સંપર્ક કર્યો છે. પરંતુ શું તે સિક્વન્સ શૂટ કરવામાં મદદ કરવા તૈયાર થશે? તે જોવું રસપ્રદ રહેશે. એક રિપોર્ટ અનુસાર ટાઈગર શ્રોફે આ ફિલ્મની તૈયારીઓ શરૂ કરી દીધી છે. જો KGF ના ડાયરેક્ટર ટાઈગર-સારા સાથે આવશે તો દેખીતી રીતે જ એક્શન જબરદસ્ત હશે.
